قربي

[احمد رده الحارثي]

.

.

.

.


طابت اوقاتكم بكل خير

نص متواضع

اتمنى ان ينال شيئاً من رضاكم

.

.

يا بداية رحلة الحب . . يا حلمي الجميل=يا مساحات الامل . . في حياة المترفين
يا تواضع . . ما ارتوى الا من شْموخ النخيل=يا براءة طفل . . ما احتاج . . غير الوالدين
إنْ شبعتِك وصف . . ما قلت فيك الا القليل=وإنْ ضميتك طهْر . . هذا هو الحق المبين
قولي آحبك . . وهاتي على حبِّـك دليل=طلِّـعي من قلبِك الشوق . . والحب الدفين
بلسِمي جرحي . . على انغام قهر المستحيل=وارسمي لي حلم . . يرضي اكثر المتشائمين
إهزمي جيش الخجل . . لين يتراجع ذليل=ليّني قلبٍ من الوقت . . عيا لا يلين
قرِّبي . . خلي سنين الفرح تشفي الغليل=من سنين الهم .. والظلم .. والماضي الحزين
قرِّبي . . نشعل فتيل المحبه كل ليل=وانـْـتـْـدَفـا جمرة الحب . . عن برد السنين
قرِّبي . . خليني اَحياك . . يا طب العليل=واَنتشي بِك طيش . . والا مشاعر عاشقين
ارحمي ممشاي للتيه . . والدرب الطويل=وافتحي قلب الرجا . . والأمل . . في كل حين
رتِّبي ليل التلاقي معك . . ميدان خيل=تنكسر به .. شوكة أعداءنا المتحالفين
وزبِّـنيني عن قسى الوقت . . مزبان الدخيل=واِجمعي لرضاي شوقك . . وحبك . . والحنين
واُفرشي ريضان الاحضان . . لضلوعي مقيل=واُدخلي برضاك ساعهْ . . حياة الميتين
واُكتبيني قصة القرش . . بايدين البخيل=وآنا ابستوطن . . ولابي سوى ايدينك يدين
وبعثريني عشق . . من جيتك حتى الرحيل=وانثري عطرك . . وخليه حتى ترجعين
واِجمعيني روح . . واروي ضماها سلسبيل=واِحتويني قلب . . تاه بقلوب العابثين
واِغسلي هما بقلبي سطا . . ما له مثيل=غسل دمع التوبه . . اكبر ذنوب التايبين
ورقـِّصي شيطان فكري . . على بْحور الخليل=لين ينظم فيك عقد القصايد . . ياسمين
من بعَـدْها . . . لو تخليت يا حلمي الجميل=إعرفيْ اني صرت فالقبر . . ضمن الراحلين

احمد رده الحارثي

.

.

[أم ريما]

قصيده جميله جدا

صح لسانك

ويعطيك الف عافيه

ابدعت ولاهنت

تقبل تحياتي

[الـزلـزال]

احمد الحارثي

بوح رائع وجميل

من شاعر متميز ورائع في كل مايقدمه

ابدعت وأمتعت رعاك الله

مبدع وممتع شاعرنا الراقي

دمت ودام بوحك

صح لسانك ملايين ملايين

ولك فائق تحياتي وتقديري

[داعي الشوق]

قـرِّبـي . . نشـعـل فتـيـل المـحـبـه كـــل لـيــل = وانْتْدَفـا جمـرة الحـب . . عــن بــرد السنـيـن

الله الله يالشاعر احمد

ابداع و امتاع

لله دررررررك

وصح لسااااااانك ملايين

شاعر جزل

و معروف بالجزالة

تحيتي لك مع التقدير

وصح لسانك

****************

[حمود السكراني]

صح لساااانك حبكة شاعر سلم بوحك على هالجمال الشعري

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[علي سعود العازمي]

احمد الحارثي صح السانك

جزله من جزل لاهنت

تحياتي لك

[همس الورد]

صح لساااااااانك مليووووووووون

و صح بدنك

مميز اخي الفاضل

تحيتي و تقديري

[منيع]

اكثر من رائعه
مع كل الشكر والتقدير لكم
تحياتي

[عبدالعزيز البليهد]

صح لسانك واعتلا شانك

مبدع اخوي احمد في كل حالاتك

وتحيه خاصه للتوقيع الرائع تصميم وشعر