رساله الى بنت النور

[عيدالماجد]

انا اشهد ان العمر معها تغير=
واصبحت احب العمر بس لاجلها هي=
من بعد ذاك الياس همي تكسر=
وشعشع بظلمة ليلي الحالك الضي=
حبيتها من قلب دامي مدمر=
لكنه معها اليوم اضحى طفل حي =
حققت فيها حلم قد عاد ازهر=
من بعد حر الصيف قد عانق المي=
فيها جمال الكون كله تصور=
لكن بدون غرور او كبر او غي =
في وصفها هالنور قلبي تحير=
ماتشبه ابدا شي ولاشبهها شي =
شبهتها احيان بالروض الاخضر=
واحيان اقول الورد لا ظلله في=
بخدودها الورد الربيعي الاحمر=
وبشفاتها جمر الغضى بالغ الكي =
لكنها تحوي بعد طعم سكر=
لالامستها بغفله الناس ايدي =
لا شفتها كل الحكي ذاب وتبعثر=
من حسنها مدري وش اللي حاصل بي =
ادوخ ويدوخ الزمن بي ويفتر=
واقول واويلي من الحب ياخي =
الله يافرحي بها لو تحضر=
يزدان فيها القلب والناس والحي=
الله يخليها وكل عام تصغر=
وتبقى هي الاحلى ولازيها زي =

[الطائر المهاجر]

صح لسانك وقلبك
ولا هان راسك
جزلة من راس جزل
تحياتي

[عمر ال شيبي]

صح لسانك وصح بوحك لا هنت ابد
لكنهـا تحـوي بعـد طعـم سـكـر
لامستها بي غفلـه النا س بيــدي

[حمود السكراني]

صح لساااانك وعلاشأنك


رائعة يالغلا سلم بوحك

[عبدالعزيز ابراهيم المنصور]

عيد المالجد
صح لسانك
سلمت ولاهنت
دمت بخير

[داعي الشوق]

ولا زيها زي ،،،،

صح لسااانك يالشاعر عيد الماجد

قصيدة جميلة

كـ حضورك الجميل دائما

صح لسانك مدد

مع التقدير لك

ولاهنت

************

[منيع]

ولازي هذه الابيات الرائعه زي
تسلم ياماجد
تحياتي لكم

[حي الضمير]

قضيده عذبه وجميله
ومدد صح لسانك ياعيد

[الخنساء]

صح لسانك مليووون ولايكفووون

قصيدة جزلة من شاعر جزل

سلمت ودام حرفك

[صعبة المنال]

الله يافرحـي بهـا لــو تحـضـر
يزدان فيها القلـب والنـاس والحـي
الله يخليهـا وكـل عــام تصـغـر
وتبقـى هـي الاحلـى ولازيهـا زي


صح لسانك

صعوووووب