صوت الربابه ..!

[سلطان العطاوي]

أسعد الله اوقاتكم


تواصليه والعذر على التقصير في التواجد

أسمحوا لها بالنفوذ الى قلوبكم ..!

الصبح ... لو يعرف.. مداه / ومزاياه = ما .. عانق ( أسلوب الزمان) ومشى به ..!
ولا مر به ( وجه الجمال) وتعداه = ولا .. شفت (طلآب الحزن) عند بابه ..!
لكّن.. يعطيه (المكان) و (حلاياه) = ما.. يجعل.. (المهموم) يفتح / كتابه ..!
إن مر.. به يدهل / احروفه... ويقراه = وإن غاب ..يحسب ..كل يومه احسابه ..!
عانيت / من( حلوه/ ومره / وممشاه) = وأسرف بي .الله / لا يجيب الشقا به ..!
احيان اقول..: أني ضحية( وصاياه) = واحيان.. أقول.. ان/ السوالف تشابه ..!
لكن .. ليا .. سمعت (ذكره/ وطرياه) = جريت صوتٍ مثل (صوت الربابه)..!
عليه .. من طاري ..حبيبي وذكراه = ما يجعل / الرجال ..يفقد ...صوابه ..!
يغيب . غيبة عقل .. لين يتلقاه = في.. لبة / بين (الهوى/ والصبابه)..!
أما أغنته.. لو ..كان يا قل/ ما أغناه = ولا على ..الله (غيبته /وأحتسابه)..!
لكّن يا عمرٍ خذتني .. زواياه = من قبل .. لا يحسب .. غيابي .. غيابه ..!
قلبي وداعة . خاطرك .. ليش تجفاه = أما احفظه .. وأغله .. ومده .. وحابه ..!
والا اتركه .. يدرك .. مماته ومحياه = وعلى وليه .. ما فنى من شبابه ...!

[منيع]

ابداع وتميز
كل الشكر والتقدير لكم
تحياتي

[داعي الشوق]

صح لسانك يالشاعر سلطان العطاوي

قصيدة جدا رائعة و جميلة

و الحمدلله على السلامه

وصح لسانك

،،،،،،،،،،،

[عبدالإله]

قمة الجزالة و المعنى

حاضره هنا

صح لسانك ملاييين

ولاعدمناك

@@@@@@@@@

[سامي احمد الفيفي]

الصـبـح ... لــو يـعـرف.. مــداه / ومـزايــاه = ما .. عانق ( أسلوب الزمان) ومشى به ..!

والا اتـركــه .. يـــدرك .. مـمـاتـه ومـحـيـاه = وعلـى وليـه .. مـا فنـى مــن شبـابـه ...!

هذا المطلع وهذا الختام..

فيهما تماهٍ بين الحبيب والزمان حتى صار الناظر لا يفرق هل الحديث عن شخص أو زمان..

الرابط بينهما الاستيلاء على روح الشاعر العذبة..

هذا إبداع يا سلطان..

[حي الضمير]

صح السانك
على هذه الابيات الجميله والراقيه.
لا عدمناك يا مميز

[عبدالعزيز العمار]

سلطان العطاوي

صح لسانك وفكرك ونظمك

جزل ماتجيب الا الجزل

تحياتي وتقديري

[زهرة اللوتس]

صح لسانك
جزله ورائعه من جزل
لاهنت
تحية طيبه

[الطائر المهاجر]

جزله من راس جزل
صح لسانك
ولاهنت
تحيتي واحترامي

[منصور العبدالله]

صح لسانك سلطان العطاوى

شعر فى شعر

لا لم تنفد بل استقرب بالقلوب يالعطاوى

جزاله مفرده وجس موسيقى راقى خاص بالكبار