احساس وجداني

[نجم الإبداع]

القلب لو ذاب من حب البنات الغيد مالومه=لاجل الهوى من سهوم اعيونهن واحساس وجداني
اكيد حب العذارى له صروف وحال معلومه=خصوص لاسلهمن بالطرف والموق ايتحداني
انا شربت الهوى من صغر سني واعرف كلومه=ياويل قلب الهواوي لافتكر مابات سهداني
صوت العذارى نغم يسري لقلب الصب ونعومه=غنت لزرياب ولاده وانا لو جيت مامداني
ياويل قلب المعنى لو شكى والنفس محرومه=وجر بالصوت تالي الليل والطاروق حمداني
بالله ياهل الهوى جيبو حبيبي واعرف رسومه=ابو العيون الذي فيها الحور للعشق وداني
عذب الثنايا ليا اتبسم ورود وثلج بكمومه=والشعر الاشقر على المتن الذي لامال برداني
وان كان ماشفت مضنوني وغابت عني علومه=باموت من طول بعده والوله لاجله تماداني
انا اشهد اني على فرقاه شفت الروح مصرومه=اظلم علي الوجود وكل حيٍ قام عاداني

[حوريه]

صح لسانك يافلاااااااح
قصيده رائعه كروعتك
دمت ودااااااااام عزك
...

[عبدالله الدخيل]

نجم الإبداع
فلاح بن منشار

صح لسانك وبارك الله فيك
قصيده جزله من جزل

واقبل

ودي واحترامي

[الخنساء]

صح لسانك مليوووووون

قصيدة جزلة من شاعر متمكن

سلمت ودام حرفك

[عبير الورد]

صح لساااااااااانك ملايين


سلمت وسلم منطوقك الجزل


ربي يعطيك العافية

[داعي الشوق]

صح لسااااااانك يا نجم الابداع

ولاهنت يالهواوي

و عساك سالم من هوى البنات

تقديري لك

وصح لسانك

[بيدي رسنها]

الله الله

صح لسانك شاعرنا القدير فلاح بن منشار .. وسلم عمرك وحرفك .. مبدع كاعادتك شاعرنا .. مودتي وتقديري ..

[منيع]

كل الروعة والابداع
تسلم يافلاح
تحياتي لكم

[المحيط الهادي]

صح الله لسانك وجاد بيناك قصيده

في قمة الروعه

[صعبة المنال]

صح لسانك يا فلاح

رووعة

صعوووب