متى ضمير العُــرب من نومـه يقــوم ،،؟

[داعي الشوق]

يالربـع كـدرتـوا عـلـي لــذة الـنـوميكـفـي جــروحٍ مــا لقيـنـا دواهـــا

الوضـع متـردي و بـه هـم و همـوميشكـي مـن احــداث تـزايـد غثـاهـا

ضعنا و ضاعت فيه نخوات و سلومو استفحلـت فيـنـا النغـايـز معـاهـا

ما عاد يجمعنا على الديـن مطعـومصرنـا طوايـف ساعيـه فـي وذاهــا

هــذاك يختلـهـا و بالفـتـنـه يـحــومو ذولاك ما ندري وش اللـي وراهـا

كلن علـى ظنـه مسـوي لـه علـوميـوم الـولاء بنفـوس نــاسٍ عـداهـا

غـدت عروبتنـا مثـل سايـم يـسـومفـي متجـر الاحقـاد بــاع و شـراهـا

المسجد الاقصى لـه سنيـن ملـزوممسلـوب فـي يديـن اليهـودي ثراهـا

كل يوم يتدنّس مـن اقـدام مذمـومجريـمـةٍ كـبـرى عـلـى الله جـزاهـا

وين الحديث اللي له اسناد و رقـومقـالـه رســول الله و بـيـن خفـاهـا

المؤمنيـن اخـوان حاكـم و محكـوممـن منهـج التوحـيـد يـصـدح نـداهـا

مثل الجسد لو صار سايره محمـومتـرا السبـب عضـوٍ بجسمـه شكاهـا

الديـن تحيـا بـه حـضـارات و تــدومو دستورهـا القـرآن حامـي حمـاهـا

متى ضمير العُرب من نومـه يقـومعن كاهلـه يرمـي ركايـم طواهـا ؟

تمت و من خاطر به الجرح موسومأزكـى ســلام لـكـل منـهـو قـراهـا

و صـلاة ربـي عـد مـا تظهـر نجـومعلـى شفيـع الخلـق سـاعـة لقـاهـا

[الطائر المهاجر]

صح الله لسانك وفكرك
ولا هنت
جزلة وطيبة من راس طيب
تحياتي

[منيع]

شعور غير مستغرب من شاعر يحمل هموم امته التى تكالبت عليها الويلات والمصائب
تحياتي لكم

[عبدالله الشويمان]

صح السانك يا ابوسعد

ودائما قصيدك جزل يا الجزل..

ما شاء الله عليك.تبارك الرحمن..

دمت بخير وصحه وسلامه ولا هنت عزيزي

[حرف وشعر]

يابوسعد نص وربي احس انه طلع مالقلب

ووصل الى القلب


جزيت خيرا

[سمّار]

صح لسانك وقلبك
وسلم منطوقك
قصيدة جزله تحاكي الواقع المر والهوان الذي تعيشه الامة

سلمت والله يعطيك العافيه
تقبل مروري وودي

[عبدالعزيز العمار]

صح لسانك ياسعود وجاد بيانك

قصيدة تحاكي واقع هم العربي المسلم لأخوانه العرب والمسلمين

أحسنت ولاهنت وتقبل مروري وتحياتي

[الـزلـزال]

داعي الشوق

نص مميز ومتقن وهادف وجزل
من شاعر عودنا على أتقان حرفه وتميزه
أبدعت وأمتعت داعينا رعاك الله
دمت بخير ودام أسلامنا بخير وصحوه
صح لسانك ملايين ملايين
ولك فائق تحياتي وتقديري

[داعي الشوق]

المشاركة الأصلية كتبت بواسطة الطائر المهاجر

صح الله لسانك وفكرك
ولا هنت
جزلة وطيبة من راس طيب
تحياتي

صح بدنك و لاهنت يا بو عبدالله

و مشكوووووور على المرور

[داعي الشوق]

المشاركة الأصلية كتبت بواسطة منيع

شعور غير مستغرب من شاعر يحمل هموم امته التى تكالبت عليها الويلات والمصائب
تحياتي لكم

مرحباً يا منيع

و صح بدنك يالغالي

ولاهنت