من الشات (نجم الإبداع×ساهر الليل)

[رووبين]

نجم الإبداع

يامرحبا هيل ياساهر عداد السيل ياصاح
وعداد من زار مكه ثم حول للمدينه
ياصاحبي جا لك الموال واسهر لين الاصباح
قاف الملوك اللذي قاله خلف وارضه مكينه


ساهر الليل

دام البقا يالرفيق اللي كلامه فن وقراح
يبدع طواريق تسعد من نظرها رمش عينه
يشوقني القاف والموال كنه طيب فواح
صحيح من قال عنك نجم يبدع من كنينه

نجم الإبداع

الكفو مثلك يشرف ماقفه وان شفته ارتاح
ياصاحبي ماعليكم زود وعلومك مبينه
لكن بعض العرب سارق ولامن جاك مزاح
تحسبه خلك وهو غادر بيسراه ويمينه

ساهر الليل

ماعنكم زود يارمز الوفا ياصقر صداح
يشهد له الحاضر وتشهد له سوالف سنينه
ياليتني طير له يانجم ضاوي ريش وجناح
واصل ديار الوليف اللي نهب قلبي بزينه

نجم الإبداع

لا واوجودي على وقتن مضى للناس وضاح
في صدر الاسلام واي روحي من الحاضر حزينه
زاد الغلاء والجشع واهل التجاره زادو الارباح
راح المواطن كما راحت معا ريا سكينه

ساهر الليل

لاعاد تشكي وانا قلبي من اول كله جراح
انظر بعيني ولا اشوف السما تنضح بعٍينه
تغير الوقت والعالم تدور مال وسلاح
نسو ان رب البريه من توثق به عوينه

نجم الإبداع

ياوين عن قافنا ذالليل غاب الشيخ صنداح
لكان غنى على الموال واختار السمينه
والا فتالي العرب ماهوب لو جا يحيي الافراح
غشيم والطرق مايعرفه غير اهل الرطينه


ساهر الليل

بعض العرب مالهم يانجمنا دكتور جراح
ياليتني باعرف اعراض المرض واعرف ونينه
واجيه واقضي لزومه بين ضحك وهمس ومزاح
والعين تبصر جمال القد مع ريفه ولينه

نجم الإبداع

الروح ترتاح ياساهر وعنها الهم ينزاح
الى وفت ثم حاضت في محانيها السكينه
مانيب عاشق وعن عشقي يجيك اليوم الافصاح
والناس ماعاد حد ينشد سوى كم فالخزينه

ساهر الليل

وشلون ياصاحبي باعمل بقلب الصب الى طاح
والناس ماترحم اللي طاح قلبه في ظنينه
ماعاد لي في شراب الكيف الى صدر بالاقداح
وصويحبي مبتعد عني في اطراف المدينه

[ساهر الليل]

الف شكر روبين على النقل الرائع

وصح لسان نجم الابداع

وشكري لمن سيمر من هنا

مقدماااا

[هترل]

محاوره طيبه وشعراء متميزين
صحت الالسن وتعافت الابدان لاهنتو
وشكرا روبين على النقل
تيحاتي وتقديري

[الطامي]

فلاح × ساهر
صح السانتكم
ابداع مميز من شعراء مميزين
لاهنتو

[داعي الشوق]

صح لسان نجم

و صح لسان ساهر

ويعطيك العافية روبين ع النقل المميز