يالله عسى خير .. نديم والطير اللي ماهاجر..

وش رايك المزرعة والإبل شي ٍ يهول = وتحط لك فوقهن من الغنم مائتين
أبرك من السطح الأقشر في توال الليول = ياساهر الليل لاتسري مع النجمتين

[الطائر المهاجر]

خابرك تهوى البقر تحلب وراهن سطول = وتبيعهن بالخبوب ولو سون بيزتين
منته براعي غنم ولا تعرف الذلول = اجلب على الهند.. تعرف للبقر عابدين

ياحيلة الله وش اللي جابني للخبول = الله بلاني بذا الشايب قصير اليدين
مايدري إن المراعي لامهات العجول = مامر ليله عليه الا شفط علبتين

المراعي .. لبن المراعي المعروف..

[الطائر المهاجر]

عارفك خبره وماهر فانت سيد الفحول = من خبرتك صرت مشرف في المراعي سنين
ولو رحت للهند تلقى ما تبي بالقبول = حطوك ريس براتب في الشهر عجلتين

طيب وش الراي لو طبيت سوق الزلول = عند المشالح مع الشيبان لك جلستين
وتبيع بعض المراهم والعسل والهلول = ومن جاك مجنون لاياخذ معك كلميتن

[الطائر المهاجر]

خلني اجرب معك واقرا بكاسة كحول = تغسل بها ليلة في الشهر او ليلتين
لكن جني نديم الليل يهوى الطبول = اجيب فرقة دواسر تطرب الحاضرين

توك عرفت السنع خلك تصول وتجول = مبروك ياشيخنا حطيت لك بسطتين
إرقد على السطح كنك بين ذيك الحقول = تخيل إنك فراشه حولها وردتين

ماهيب عاداتك تطولها .. لكن علي سيلك حدور ..
شكرا استاذي .. والسموحه لأي خروج عن النص ..
تحياتـــــــــــــــــــــــــ ــــــــــــــــــــــــــــــ ـــــــــــــــي ,,,,,

[الطائر المهاجر]

شكرا يابو محمد ولولاي امون عليك كأخ عزيز وفاهم تماما مع من اتحاور
لما خرجت عن النص ..... ولكن ترانا ما انتهينا ...
تصبح على خير
أطيب تحياتي

العفو استاذي ..
عساك على القوه ..
هات اللي عندك ..
عليك معونة من الله ..
تحياتي ,,,,