مرحبا بك يالينوفي

[الطائر المهاجر]

مرحبا بك يالينوفي عد ما هل الهلال = وعد ما هلا المهلي وقال اقلط ياهلا
شاعر حي ضميرك وفي القوافي لك سؤال= كيف رجل اختار اسم للأناثي وانجلا

[الينوفي]

المهلى مايولى يازعيم ابن الرجال= والليالى تكشف اللى مختفى وسط الملا
والله انى عارفه لكن رخيت الحبال=نحسب اعلو من قديمه جعل وجهه للبلا

[الطائر المهاجر]

العدد واجد واظن البعض يشكي من الخبال= دس روحه مثل حرمه وش تظنه اشتلا
طمعته زود الردود ولو مشى الدرب احتيال= ما درى انه مايفيده ولو بخدعه اعتلا

[الينوفي]

مشكله والمشكله يلبس عمامه مع عقال= ويشرب الشاهى مع الغبشه ويزيد امن الحلا
ويتسمى باسمها مايدرى انه فى ضلال= فاقدين اسمه علامه وينها ريم الفلا

[الينوفي]

ههههههههههههههههههههههههههههه
ابو عبدالله

شكله انحااااااش

[الطائر المهاجر]

في الفطاحل لي طريقه احفظه بايّات حال = اعرف اشباه الرجال ولو تسموا بالغلا
ولو عطيته وقت فاني ما ابي شئ يقال = زر واحد دون هرجه ثم اقول له الخلا

[متعب المينيح]

متابع بشغف



لله دركما

[نجم الإبداع]

ابو عبدالله

ابو نوره

موضوع مهم وابداع غير مستغرب
واصلووووووووووووو
لاهنتم

تحياتي واحترامي

[عبدالله الشويمان]

الله الله الله

على قولة الينوفي اضن راح يجعر..هههههههههه

صحت السنكم يا شعار

[الخنساء]

صح لسانك مشرفنا
صح لسانك شاعرنا المبدع الينوفي
تحياتي وتقديري