أبيات مبتدأ تطلب رأيكم

[ناصر البركاني]

السلام عليكم ورحمة الله وبركاته ,,,,,,
لدي هذه الأبيات التي كتبتها لشخص له فضل علي يوم جيته في محله و وهو شيخ و ابن شيخ . و أطمع في حصول الفائدة من نقدكم لا هنتوا: أقول .....

ماهي غريبة يا مساعد سجاياك= لا صرت ابن قابل تزول الغرايب
وماهو عجيب تمد بالجود يمناك= شيخن ولد شيخن يحل النشايب
عريب ساسك مابه النقص حاشاك= ومن طاب غرسه ناتج الغرس طايب
أزرى الكرم لو لحظتن طاق فرقاك = مثل المزون ان ركبت بالصبايب
لاخبت يا مساعد ولا خاب من جاك= دامك جمعت الطيب دون الشوايب
أبطلب الخلاق بالخير يجزاك = ويكفاك فالدارين شر المصايب

وسلامتكم.....

[الطائر المهاجر]

الأبيات هذي ايضا طيبة
ولكن قصيدتك السابقه الآن منشورة في الهمس
بعد استكمال الردود عليها يمكنك نشر هذي ، شرط زيادة بيت عليها
حتى تصير 7 ، لأن الهمس ما ينشر فيه إلا من 7 فأكثر ،
وحت تضمن تفاعل الآخرين معك تحتاج تتفاعل معهم في الهمس
تحياتي

[ماجد الراشد الهيري]

ماشاء الله عليك اخوي ناصر
الله يوفقك