تعال يالشويمان

[خيالة الشعر]

بالسلام ابتديها بالسلام= كنت في حرب والاّ في سلام
ياسلامي عليكم ياسلام = وانت بالارض والاّ بالسما

يامرحبا ياشاعر ن ما نجيه الاّ وجا = في ضيقته والاّ بسعده مكين ن مركزه
فوق السحب راسه ولا هو بحاله للرجا = ليته يجي ذا اليوم لاجل العلوم (ا) مجهّزه

الشويمان

من يسلم نرد إله السلام=ومن يسالم لقا عندي سلام
يا سلامي عليكم يا سلام=وانتي بالارض ولا بالسما

قلنا البقا وشكرا على البدع من خيال جا=من كيفه ولا قيل له غصب يقمز مقمزه
وانا امتواضع جيت يمه على مهل درجا=كانه مجهز والمن له مجهز وعجزه

خيالة الشعر

يامعوّد علامك ماترى = ياترى ياترى ياهل ترى
انت مربوك والاّ موتّرا = وانت بالارض والاّ بالسما

حيّيت والدنيا لها الف درب ومخرجا = وانته تلوّى ماتشوف الطروق امركّزه
ركّز تراك اليوم ماشي كأنك تعرجا = مكسوره الرجلين واليدّ راحت تخبزه

الشويمان

اسر يا سارين ليلي سرى=عود واقوى ترى اطلع كرى
الى تقدمت انا ما ارجع ورى=انتي بالارض والا بالسما

لا والله الا من نقدنا فلجناه افلاجا=طرقي عدالن وافين حيل لا جيت اركزه
مير البلا من بادي الطرق مبداه اعوجا=وانا صرفته لكن انه يبي من يقفزه

خيالة الشعر

دربك اليوم واحد ما يضيع = منت مبطي ولا انته بالسريع
شل حمولك وروّح للبديع = وانت بالارض والاّ بالسما

المسلم الّي خاف ربه بجنّات ن نجا = والّي يدوّر للفتن جعل راسه نغرزه
ان كان نهجك تلوي اليدّ ماهو بنهجا = تكنز بقلبك من علوم الرجال المكنزه

الشويمان

هيه هيه ما كفاك القريع=قدم فارس مهو طفل رضيع
انا رايح مدام انك صريع=وانت بالارض والله عالين للسما

الله اكبر وارجي من خالقي بليلن دجا=ياخذ اللي نيته لي بغمزن يغمزه
والله ان القلب صافي ولا فيه خلجا=مير يا الخيال يكفي هرتك اللا عوزه

[زهرة اللوتس]

صحت السنتكم
مبدعين
متابعه

[نجم الإبداع]

الله الله

الشويمان وخياله قطبي المحاوره

صح لسانيكما

بدع جميل ورد كايف

واصلوووووووووووووووووو ونحن بالصفوف

لاهنتم

[عبدالله الشويمان]

شكرا يا زهره على المتابعه

شكرا يا فلاح على المتابعه,,وشجعني..ههههه

[عبدالله الشويمان]

خياله فكينا من الموال..

[عبدالعزيز العمار]

صحت السنتكم

واصلوا يالشعار ونا متابع معكم

[نجم الإبداع]

المشاركة الأصلية كتبت بواسطة عبدالله الشويمان

شكرا يا زهره على المتابعه

شكرا يا فلاح على المتابعه,,وشجعني..ههههه

اللللللللللللللللللللللللللللل لللللللللللليل

[فارس القوافي]

الله الله واصلوا

[خيالة الشعر]

مرحبا بك اخي الشاعر
صح لسانك وصح بدنك
ماقصرت الله يجزاك خير
اشكر كل من مر من هنا
وان شاء الله على الخير نلتقي
لاعدمتكم

[كظيم]

صحت الألسن لاهنتم
محاورتن طيبتن بالحيل . كر وفر
ابدعتم لله دركم
ينطيك العافيــــه