بارْض الفطاحل لمحت اليوم قافيّه

[عبدالله الدخيل]

بسم الله والحمدلله والسلام عليكم ورحمة الله

قصيده أتت مجاراه ورد لاخونا فلاح بن منشار

http://www.fatahilah.com/showthread.php?t=122983

بارْض الفطاحل لمحت اليوم قافيّه=يلفح هواها ذرى الطاروق واوْزانه
يامرحبا يا فلاح اقْـلط على النيّه=الخيل نجْدي وقافي أطْلق اعْنانه
الشّعْر مابه قويّ ولابه قْويّه=دام المشاعر في قود الشّعْر ريّانه
شعّاركم يالجنوبـيّه شقرديّه=مشـكور للتعـرفه باسـمـاء رنّانه
شعّار نجْد امْعروفه دون ماريّه=ومن كذّب القول يحْضر معْه بهتانه
بدعة طواريقكم شلفا وجنبيّه=والبدع في نجْد سيف الشّعْر عنوانه
الأولويّه ترى قلب السعوديّه=منّه تفرّع هجوس الشّعْر والوانه
كلّ العرب بالقصايد بنْـثني فيّه=ومن غاص بحْر الشّعر يلقى به الدّانه

وسلامـتكم
أخوكم \ إبن دخيل

[الطائر المهاجر]

كفيت ووفيت
صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[عبدالله الدخيل]

المشاركة الأصلية كتبت بواسطة الطائر المهاجر

كفيت ووفيت
صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

صح بدنك وما عليك زود يا دكتر
شاكر ومقدر حضورك الاول والمشرق في متصفحي المتواضع
لا خلا ولا عدم
واقبل
ودي واحترامي

[حمود السكراني]

صح لسانك وعلا شأنك مجاراة رائعة يالغلا

[داعي الشوق]

يا سلام يا سلام

صح لسانك ملاييين يالشاعر

مجاراة رائعة و وافيه

ومافيكم حيلة

ولاهنتوا يالفطاحل

[عبدالعزيز العمار]

رد وافي وكايف بالحيل

جزل يابن دخيل وصح لسانك ولاهنت

تحياتي لك

[روح الشعر]

صح لسانك اخي الشاعر عبدالله الدخيل


لا هنت ولا هان قافك

تحيتي

[نجم الإبداع]

هههههههههههه صح لسانك يالدخيل

كفووووووو

واستلم

قل للدخيل اش يخصه بالافنديه=شعري عن الشقر وش لك باهل زيرانه
شعر النبط كل روحن منه مرويه=وراك من غيض سقت انغام زنانه
ابك البقا يامعادي للحجازيه= تراك نشت الطيور وجتك طنانه
الشعر ماهوب نجدي وانت لك دَيّه=حتى حروفك تجي من بوق شنانه
دامك تفند علوم الناس ملويه=فابشر بطول الطريق وجاك محجانه
مانته موكل على العالم ولك ويه=والناس لاادم ولو جا ناس زعرانه
يمشي الجمل في طريقه مافكر فَيه=والحاشي الي رغى يقعد ببرانه
مالي بحادي بداني الحقد من طيه=ولاتناسب لنا البسمه من اسنانه

[الـزلـزال]

عبدالله الدخيل

مجاره رائعه وجميله
من شاعر رائع في كل حالاته
أبدعت وأمتعت شاعرنا
دمت ودام لنا حرفك
صح لسانك ملايين ملايين
ولك فائق تحياتي وتقديري

[سمّار]

صحت الالسن والقلوب
نقض وفتل ومجاراة تعانق السماء تألقا وروعه
كبار واهل علوم كبار
الدخيل غالي وشاعر كبير وقامة باسقة
ابو محمد نجم في سماء الشعر ومبدع في كل حالاته

تقبلوا مروري واعجابي
متسمّر هنا ...لارتوي شعرا