صيد الشات 2016/7/8 الجمعه قبل الظهر

[الطامي]

يوم مات الألهام جبت القديم = اشهد انك مولي ياشويب قطر (الطائر
منشغل بالدراهم راكض للبريم =وما حسبت لنفسك يوم تحت الحفر(الطائر
اتق الله وارسل بعضها لليتيم = الطوير المهاجر كان تبغي الاجر (الطائر
ابشر ابشر وجاتك الهديه مديم = ان بغيت اتصدق وان بغيت الفخر (الطامي
والدراهم مراهم يالحبيب اللزيم = كل وقت بطلبها شوف نفسك وقِر(الطامي
ارسل ارنب ويكفي والدعاء للعليم = يجيب لك عبدة منخارها كالكفر(الطائر
انت قليل اشكالك مثل روضة خريم = كل روضه من الصمان تبغي هالمقر (الطامي
والعروسه حلالك وانت ابوها الحليم = لاتعصب عليها ولالك منها مفر (الطامي
مير شف لك وحدة من اسواق النسيم = همها كيف تاكل ثم تحلب بقر (الطامي
محشومات الأصايل من كلام عقيم = بنت كل ابلج يوم المواقف شهر (الطامي
وانت عمو حرامي باغي لك شريم = في يمين الذي باقصى عروقك يحفر (الطامي
لين يجتث عرق المرض ياكريم = ونتريح من اللي يدور للقشر (الطامي
من يبي عود مثلك مايبنه حريم = اشعب في العطايا مدعي للفقر (الطائر
ياعويد قديم انت هرش مهيم = بكل حته مسوي لك صداقة نفر(الطامي
المكينه تبوِش والتواير بسيم = ولانت بدفع رباعي لأجتياز الخطر (الطامي
وانت سوقك قديم هملوه الحريم = كل عمدان ساسه ظاهره واندمر (الطامي
قط نفسك من اعلى الفيصليه يانيم = ولا نشدوك السبايب قول وقتك قزر (الطامي
من يعرفك يخبرك بالبخل مستديم = محد يبغاك لامن سود ولا سمر (الطائر
راح وقتك وسلفك مايداوي السقيم = ياخسارة حياتك والمقابيل امر (الطامي
قم صل وتغسل ومدخن ودهن ريم = واتجه للمصل وخل منك القشر (الطامي
يوم خفت المحاور رحت تركض تقيم =بالجماعه تصلي قبل وقت الظهر (الطائر
بالخطب دوم تحذر من زواج الكريم = وتجهل اللي بخيل ينتهي في سقر (الطائر

[منيع]

هههههههههههههههههه
رائعيين
كل الشكر لكم
تحياتي

[الطامي]

اهلا بو حمد
صح بدنك
والأروع مرورك وضحكتك
وشكرا لك