طيور بلا ريـــش

[الطائر المهاجر]

القصيدة التالية هي للشاعر ( عبدالله بن حمد بن رمضان (( رحمه الله )) ) وهي عبارة عن موقف مع بعض الشباب
أثناء جلوسه مع بعض اصحابه في حديقة ( بخشىة ) دوار أم سليم . . فكانت هذه القصيدة :-

لقيت بالبخشة طيور بلا ريـــش= جـنـحـانـها وأذنـابـهـا دقـــم وقصار
طيور مرباها من السوق للحيش= وإلى أونست لفح الهواء تزبن الدار
فيهم طبايع من طوال العكاريش = وفـيـهـم مـــن الطليان تدويج وخوار
قضو على اللحية وحطوا كشاكيش= وقامـوا يـحـنـون الـبـراطم والأظفار
البودرة في خدودهم تقل ورنـيــش = وحـطـوا باصابعهم خواتم لها أزرار
جيل خبيث لو يجي فيه تـفـتـيـــش = ظـهـر كـثـيـر مـنـه أنـاثـي لـه أذكار
اللي يسمون الـنـشـاما شـواكــيــش = أهـل اللـحـى بافـكـارهـم مـالـهم كار
وأهل اللحى صبيان نجد المداغيش = للـي لـهـم فضل على الضيف والجار
يوم السنين شداد والرزق تـنـويـش = وهــم يـبـوجـون الـفـيـافــي والأقطار
ذولا جــمــامــيـل وذولا قـراريش = وذولا لـهـم دور عـلى قحص الأمهار
تلقى الولد مثل الفهد بالـمـطاريـش =عــلـى الـشـدايـد حـيــث مـاكـان صبار
واليوم كثر الخير والأمن والـعيش = وقـت تـسـاوت فـيـه الأذرع والأشـبـار
يظهر شبابه ناعم مابعد هــــيـــش = فيه الـولـد يـظـهـر كـمـا عـشـبـة الغار
يمشون بالاسباب مثل الــدراويـش = وإلى أذن الـمـذن يــهــــجــون عـبـار
ماتسمع الا ويش زيك وقــد يــش = ويطرب إلى أوحى دق عود ومزمار
عسى شباب مايجي به نغـامـيـش = يـحـيـا حـيـاة الــذل وإن مات للــنــار

[منيع]

ابيات رائعة ونقل مميز كنت ممن يرددها ايام زمان ونالت اعجابي كثيرا
شكرا لك
تحياتي

[الطامي]

ابيات طيبه ونقل اطيب

لاهنت دكتور

[ملكة الشرق]

صح لسان الشاعر
وسلم بنان الناقل

احترامي

[بنت النور]

ابيات في قمة الروعه
صح لسان كتبها ويسلم نقلها
يعطيك العافيه

[داعي الشوق]

اتذكر فيه رد عليها من احد الشباب

.. لاهنت يا عود

[عطر الروح]

نقل مميز
لا هنت🌹