من تدبر وفكر كيف جاء للحياه

[الطائر المهاجر]

من تدبر وفكر كيف جاء للحياه= وكيف يرحل ويترك كل شي وراه
من كبير وصغير او غني وفقير= كلهم بالتساوي يندفن في ثراه
كل عاقل يفكر حاسبٍ للمصير= ما تغره اذا ضحكت سنين الحياه
في زمان المهايط والكذب والنفاق= في زمان الفساد اللي تعذر دواه
هذا خاين لدينه ما عرف للفضيله = كل فتوى بقيمه كاسبٍ من عطاه
بعدما كان في فقره وبيت بطين=صار يسكن بقصر وعايشٍ في رفاه
يحكم بجلد جايع لو سرق خبزتين=ويعفي اللي سرق مليار للاشتباه
وهذا طرطور اصبح بالتسلق كبير= كل ماشاف يسرق وامنٍ منتهاه
مقرب للاجانب وكل منهو ب"واو"= خايف من الكفاءة تكشف اللي وراه
وهذا جاهل بدينه والتطرف طريقه=مبرمج لكل جاهل ينفذ اللي يراه
خادم للمعادي دام يقبض فلوس= بنفذ اللي مخطط من جموع العداه
لين شفنا القتل والجوع بالمسلمين= ضرب الاسلام بالاسلام غاية مناه
وهذا ظالم ومتسلط على اللي ضعيف= خادمٍ للقوي وكل منهو اشتراه
هذا وهذا وغيره من جموع الفساد= يوم لابد يلقى كل واحد جزاه
كان ماهو بدنيا لو بعمره يطول = مايخليه من يعلم بوضع ارتضاه
يمهل الله ولا يهمل بحق ويقين = وكل فاسد مصيره مثل باقي الطغاه

[منيع]

يحكم بجـلـد جـايـع لــو ســرق خبزتـيـن
ويعـفـي الـلـي ســرق مـلـيـار للاشـتـبـاه

اجدت وابدعت واوجعت
شكرا لك
تحياتي

[عطر الروح]

صح لسانك أبدعت وأجدت

[داعي الشوق]

المشاركة الأصلية كتبت بواسطة الطائر المهاجر

هذا وهذا وغيره من جموع الفساد= يوم لابد يلقى كل واحد جزاه
كان ماهو بدنيا لو بعمره يطول = مايخليه من يعلم بوضع ارتضاه
يمهل الله ولا يهمل بحق ويقين = وكل فاسد مصيره مثل باقي الطغاه

الله يصلح الحال يا بو عبدالله

وصح لسااااااانك ملايين

ابدداع وجزاله كعادتك

ودمت بخير

[حرف وشعر]

يـمـهـل الله ولا يـهـمـل بـحــق ويـقـيـنوكل فاسد مصيره مثل باقـي الطغاه

صدقت وصدق حرفك يابو عبدالله

تقبل ودي

[الطامي]

صح السانك دكتور
قلت فأصبت وأبدعت لافض فوك
شكرا لك

[منيع]

يمـهـل الله ولا يهـمـل بـحــق ويـقـيـن =وكل فاسد مصيره مثـل باقـي الطغـاه

انااشهد
تسلم يادكتور
تحياتي

[هترل]

عوايدك يابو عبدالله
صح لسانك مليار ولا يكفون

تحياتي وتقديري

[بنت النور]

ان الله مع الصابرين
ومن توكل على الله فهوه حسبه
اتقنت وتفننت في اختيارالحرف والكلمه
وصح لسانك مليون ولا يكفون
لاهنت
تقديري واحترامي لك

[جهاد الشعلان]

يمـهـل الله ولا يهـمـل بـحــق ويـقـيـن
وكل فاسد مصيره مثـل باقـي الطغـاه

عز الله

صح لسانك

تقبل مروري

تحيتي،،،