اكبر خطر نعره(بدو وحضر)(بالصوت)

[الطائر المهاجر]

اكبر خطـر نعـره تـوز الشياطيـنكلمـة بــدو والاّ حـضـر ياجمـاعـه

"فرق تسد" قانون كل الحقوديـنممـن يعرفـون المكـر والخـداعـه

وحنا عيـال اخـوان بالـدم والديـنوالأصل واحد مـا يبـي لـه رماعـه

احدٍ هوى البران في جوهـا الزيـنواحدٍ مسـك ارضـه بـدا بالزراعـه

واحدٍ بدكانه علـى العسـر والليـنواحدٍ بوسط البحـر يرفـع شراعـه

ارزاق تتقـسـم بـكــل المـيـاديـنوكـلٍ فخـور بـمـا تجيـبـه ذراعــه

المشكـل إنّـا جاهليـنٍ مـن سنيـنما نفهم اللي نحدثـه مـن شناعـه

النـاس تتـطـور وحـنـا مساجـيـنللجهـل بالتفكيـر فـي كـل ساعـه

جونـا وفـودٍ مـن جميـع البـلاديـنمتكانفـيـن وفاهمـيـن الشـفـاعـه

صاروا هل الجاهات واهل الملايينوحنـا تفرقنـا ونخـشـى المجـاعـه

وعيالهـم بالعلـم حـطّـوا نياشـيـنكـل ويقحـش راتبـه فـوق صاعـه

وحنا رواتبنـا علـى الالـف والفيـنويا ليت نسلم من عشاً للجماعـه

فينا الكرم عاده ولـو ناخـذ الديـنوهـم باقتصـادٍ عايشـيـن بقنـاعـه

وهم مع بعضهم بالوسايط خبيرينالكل ياصل لـو مشـى بالخضاعـه

وحنا كبار الروس ما نعرف الليـنكــلٍ امـيـرٍ والجفـاسـه طـبـاعـه

نحقـر بعضنـا لـو نوطّيـه بالطـيـنونّبّـش الماضـي بخـبـث ولكـاعـه

هـذا وحنـا مجتـمـع يعـلـي الـديـنبـدولـه اوامـرهـا عليـنـا مطـاعـه

وشلـون باكـر لـو نوونـا المعاديـنثـم ضربونـا فـي بعـض ياجماعـه

واجـب علينـا نثمـن الأمـر تثميـنونمحي جهلنا بالعقل في شجاعـه

[داعي الشوق]

وشلون باكر لو نـــوونا المعاديـن
ثم ضربـــونا في بعــــــــض ياجماعـه
واجب عليـــنا نثمن الأمـر تثميـن
ونمحي جهلنـــــا بالعقل في شجاعـه

.........................

صح لسانك يابوعبدالله جبتها على ما تمنى وفي الصميم

نعم لا يعكر خاطري إلا قولة هذا بدو وهذا حضر .. رغم أن الكل إخوان في الاسلام

كما تفضلت بقصيدتك .. وليس لهذا الحد بل تعدى ذلك إلى علاقات شعوب عربية

فيما بينهم ولكن هذه المره ليس بقولة بدو وحضر .. لا .. لكن بجنسية الشخص

ومذهبة .
حمانا الله و إياكم والجميع من أصحاب الفتن و من كل مكروه

بارك الله فيك وجزاك عنا الف خير ياالطائر المهاجر

تحياتي وتقديري ،،،

[خالد العمري]

اييييييييييييه صدقت وربي ابوعبدالله
ما ضيعنا غير هالسوالف اللي مالها أساس
لكن لاحووول ولاقوووة إلاّ بالله
كلام كثير ابو عبدالله بخاطري وأنت جسدته هنا في أطروحتك الرائعة
صح لسانك وأعتلى شانك

فديت قلبك

[الطائر المهاجر]

قصيدة اخرى اكثر شرحا
http://www.ftahilah.com/showthread.php?t=9663

[الطامي]

اكبر خطر نعره تـوز الشياطيـن =كلمة بدو والاّ حضـر ياجماعـه
"فرق تسد" قانون كل الحقوديـن =ممن يعرفون المكـر والخداعـه
وحنا عيال اخوان بالـدم والديـن = والأصل واحد ما يبي له رماعـه
دكتور كم هي رائعه
لاهنت وصح السانك
قصيدة تسوى ديوان بأكمله
دمت سالما غانما

[عذب القوافي]

صح لسانك ابوعبدالله وعزالله إنك ماجبت الا الصحيح


وارجوا قبول هذا البيت هديه من تلميذ لأستاذه

دمت بخير حال .

[الطائر المهاجر]

شكرا داعي
على كريم المتابعه
لاهنت
تحياتي

[داعي الشوق]

وشلون باكر لو نـــوونا المعاديـن
ثم ضربـــونا في بعــــــــض ياجماعـه
واجب عليـــنا نثمن الأمـر تثميـن
ونمحي جهلنـــــا بالعقل في شجاعـه

ابدعت وصح لساانك وفكرك

[منيع]

الناس تتطور وحنا مساجين = للجهل بالتفكير في كل ساعه
جونا وفودٍ من جميع البلادين = متكانفين وفاهمين الشفاعه
صاروا هل الجاهات واهل الملايين= وحنا تفرقنا ونخشى المجاعه

اجدت واصبت
شكرا لك
تحياتي

[الطامي]

صدقت ياعموووو
وصح السانك
ولاهنت