باكتفاء ذاتي وقناعه

[الطائر المهاجر]

باكتفاء ذاتي وقناعه اشعر بقيمة حياتي= دونما احتاج نذلٍ من قريبٍ او بعيد
او لئيم يجحد المعروف من بعد العناتي=ومن وقف جنبه بلحظه ماوقف فيها العضيد
معدن الانسان تكشفه الشدايد والرزاتي= البعض مثل الذهب والبعض صفر وحديد
ودام انا حر على الفطره بمبداي وسماتي= مايبي مثلي زمانٍ كاسبٍ فيه العبيد
ودام انا ويا زماني باختلاف بالصفاتي = ما يضر اني اقضي باقي ايامي وحيد
ما بقى بالأرض عدل فالظلم عم الجهاتي=والتساوي لو وجدته يدركه غرٍ بليد
بين مخدومٍ وخادم كلهم مثل الجواتي = تنفصخ هذي ويلبس غيرها لا راد سيد
ومن تفكر في حياته يدرك انه في سباتي=ما عرفها عن حقيقه ولو جمع اعلا رصيد
بالقبر يرقد ضعيفٍ جنب جبار وعاتي= وجنبهم يرقد فقير ما لقى لقمة ثريد
فحاسب لنفسك وجهز قبل لحظات الوفاتي=وافعل المعروف حتى لو يلاقى بالجحيد

[منيع]

جزل ومبدع يادكتور
شكرا لك
تحياتي لكم

[بنت النور]

الله عليك يادكتور جزاله من راس جزال
وصح لسانك مليون مايكفون
لاهنت

[ساهر الليل]

الله الله ونة قلب ياشاعرنا

صح لسانك وقلبك ولاهنت

هكذا ياعود حال اصحابنا والريح عاتي ... لاتفكر غير في وقت اللقا يوم الوعيد

تحيااتي لك

[الطامي]

صح السانك
رائعة من شاعر عملاق
لاهنت

[داعي الشوق]

ابيات جميلة في مطلعها و معناها

ابدعت في الوضف و التصوير

صح لساانك و طاب حالك بو عبدالله

ولاهنت

[الطائر المهاجر]

شكرا لكل من مر هنا
لاهنتوا
اطيب التحيه