حرب المحاوره بين شعراء الفطاحلة

[الطائر المهاجر]

المشاركة الأصلية كتبت بواسطة سناعيس

الغبار اللي نفضته والله ياله حوبه=وش لك بباب مسكر وبالخشب مردومي
مير عطنا جزيلك كود نشرب سوبه=ونرتشف منه بدري ولا يجينا الثومي

اي باب وأي ردم وكلمتي مكتوبه = واضحه من دون لف وعاصفٍ مبرومي
كان قطيت الحصا في بركةٍ مشطوبه= مادريت الشطب فيها ولا دريت لغومي

[ابو زياد]

المشاركة الأصلية كتبت بواسطة أبوأنس

العزايم والمطاعم في البلد منصوبه=بس نفسي في وليمه طعمها مشرومي
وانت ياراعي الوليمه سفرتك مطلوبه=ما بها ماصخ ولافيها وصخ وسمومي

اقلط اقلط لا توانا دلتك مصبوبه =والذبايح لجل عينك فالمجازر تومي
ياسعد ماهوب حقك جبنة مع روبه=حق مثلك يالسنافي من رقاب القومي

[الطائر المهاجر]

حق مثلك يالسنافي من رقاب القومي
افا ياذا العلم اجل من اكلة لحوم البشر ...

[ابو زياد]

المشاركة الأصلية كتبت بواسطة الطائر المهاجر

حق مثلك يالسنافي من رقاب القومي
افا ياذا العلم اجل من اكلة لحوم البشر ...

اوووووووووووووووووه اثرنا شقينا الزبيل
وجبنا العلم

بس وش رايك يابوعبدالله ماتتوقع ان هذي مواريه

[ابو أنس]

المشاركة الأصلية كتبت بواسطة ابو زياد

اقلط اقلط لا توانا دلتك مصبوبه =والذبايح لجل عينك فالمجازر تومي
ياسعد ماهوب حقك جبنة مع روبه=حق مثلك يالسنافي من رقاب القومي

ياعقيد القوم ذي لك كلمة(ن) مكتوبه=صاحبك داوي ولاادري وين فيه ايحومي
صاحبك عنده رساله جملته مشطوبه=ان كتب حرف وطمس حرف وهرج بحلومي

[الطائر المهاجر]

لا ترقع يالمرقع دهنتك مكبوبه = اللحم احمر وهذي من بقايا شحومي
مير قصدك لو تمعن مدحة متعوبه = انقلب فيها الركاب وصرت به ملخومي

[ابو أنس]

عارف(ن) قصدي ونصّي جملة(ن)منصوبه=فعلها الماضي مضارع والأمر مجزومي
ما نصرفها وهي يم الهدف محسوبه=كل حرف وله دلايل بالمهر مختومي

[الطائر المهاجر]

فعلها الماضي مضارع بامرها مسحوبه = وش بقى لسحبان وائل او ابن مكتومي
هات علم ولا توهق فالعرب منكوبه = تستحل القاف مثل اسرائيل والعربان بالنومي

[الذيب]

المشاركة الأصلية كتبت بواسطة الطائر المهاجر

اضبط الإرسال ياذيب كشف عن ثوبه = خطوتك في الرمل بانت ماخفت عثومي

والله يا المدير العام تحسب انك كاشفني (قم بس قم ) وانت ماتدري وش السالفة

[الطائر المهاجر]

المشاركة الأصلية كتبت بواسطة الذيب

والله يا المدير العام تحسب انك كاشفني (قم بس قم ) وانت ماتدري وش السالفة

تغير جرتك واتبعك حتى ان كان مشطوبه= ولو حتى بعد عامين مهو ليله ولا يومي