قصيدة السفر

[أحمد السكران]

كل ديره فيها الخير والشر وقصيدتي هذه انما هي مشكله وليست محدده في بلد معين ..

امس جهّزت الجواز وشنطتي وفلوسي = ودي ازرق للديار اللي ورى الشرقيه
الديار اللي بها رولا ورند وبوسي = والله اللي يعلم النيه وهي مخفيه
البنات اشكال فيه البوسني والروسي = وكل ديره كنها ترسل هناك بنيه
والخصور تميل دوسي يابنيه دوسي = فوق قلبٍ دقته مع دقت الاغنيه
والمراقص وسطها كل البلا مدسوسي = الملابس ضيقه والاغنيه شرقيه
وطاولاتٍ فوقها كل البلا مغروسي = خمر .. وسكي .. بيرةٍ لأهل الطرب ماريه
يرةٍ ماهيب بيرة بربيكان وموسي = بعد ثاني كاس يفقد جسمك الوزنيه
ول يادارٍ تعيش بعالمٍ معكوسي = مابها هيئه ولا تنحاش من دوريه
وتنوي الشقه وراسك عقبهم منكوسي = وتذكر ان الربع معهم باقي القطيه
ولادخلت تشوف عنزٍ بين عشر تيوسي = المسجل يشتغل والاغنيه مصريه
كل واحد من بعدها ناقلٍ فيروسي = والله اللي مانقلت الخير بين ايديه
عاد انا في ديرة الزلفي كيذا منحوسي = وش بسوي لو بشوف العالم المبليه
وصارت السفره بعيني كلّها كابوسي = وكم غشيمٍ من هوى نفسه يروح اضحيه
وارجم الشنطه وانا اسحن من شقاي اضروسي = والجواز ارجّعه للخزنه السريه

واسف اذا فيها شي يزعل ولكن للمره الثانيه انا اقول أنني اتكلم عن مشكلة مجتمع اسلامي بعيد عن كل شيء اخر

[منيع]

هذا اللي صاير
فهل من متعظ
شكرا يااحمد السكران
ابيات رائعه ومعبره
تحياتي لك

[الطامي]

السكران
شكرا وفعلا هل من متعظ

عندنا الثيران واجد والبقر جاموسي = كل ديره من جماعتنا غدت ممليه

صح لسانك يااحمد .. على الوتر السادس ..

كل الود..

والاعجاب ..

والاحترام ..

دمت بخير ,,,,,

[عذب القوافي]

الشاعر الجميل / أحمد السكران

صح لسانك على هذه المميزه بتميز

شاعرها والله يصلح الحال

شباب في عذاب بين ذهاب وإياب

ولادخلت تشوف عنـزٍ بيـن عشـر تيوسـي
, , , , , , , , , , , , ,المسجـل يشتـغـل والاغنـيـه مصـريـه

ويقول شاعر الأغنية المصرية

بيني وبينك حبه ونص ولا تتكلم ولا بتبص

تقديري لنبضك .

[الأموره]

واقع ،،

صح لسانك و علا شانك

سلمت و سلم فكرك ،

الف شكر لك ،،

دمت برعاية الخالق ،

كلام رائع جدا اخوى العزيز

تسلم لطرحك وابداعك المميز

يعطيك الف عافيه

[مبروك بن ماضي]

الاخ الكريم الشاعر /أحمد السكران
ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[عيد مشعل]

صح لسانك

جزله من شاعر جزل

تحياتي لك

[ابومياس]

شاعرنا القدير

احمد السكران

نص مليء بالعبر والنصائح

لقد صدقت فيما قلت

وهذه من اهم جماليات القصائد النصائحية

صح لسانك وبيض الله وجهك

دمت بخير وعافية