<< قلعة الآمال >>

السلام عليكم ورحمة والله وبركاتة


نغيب وطيبكم مايغيب


متواضعه أن شاءالله تجوز ألكم


<< قلعة الآمال >>

هجوس الشّعر كل ليل فـ أسترسال = تمنع عيوني من لذيذ النوم
يطحن رحاها فكري الشغّال = لين المعاني تبلغ الحلقوم
مالي معَ بدع القصيد إشكال = من دينمو الافكار للبلعوم
دايم على ذا الوضع والموّال = للجزل في قضيّتي مرسوم
صوتي يبي له حنجره واحبال = من سلك فولاذ وذهب وكروم
اربْ ناصية الشعر تحتال = فرايدن من دري المنظوم
اصعب على النقّاد والحبّال = من ساعته في يومه المحتوم
كم واحدن حدّر عليّ ومال = وأقفى عليه من الزمان ثلوم
كفي شطير وصكتي سلال = واسمي قلق واطلالتي جاثوم
طبعي كذا ماجامل الجهّال = من دون عمري مالحقني لوم
فـ انا عدو الذلّ والانذال = وانا رفيق الكايد الشغموم
ذكري معَ الوافين طيّب فال = والله مجنبني عن المذموم
لو ان جيبي مايضمّ ريال = ماجيت مستعطي ولا محروم
عليّ سرابيل الغنا سربال = ورثتها من ( زايد الملطوم )
وإلى قصرني شيء بأية حال = ماكامل الا الواحد القيوم
للصبر في عيني شُعب واشكال = واجلّها صبري على المقسوم
ماكل شيءٍ فالضمير يقال = بعض الامور تشيّب المفطوم
خج الضلوع الطاري القتّال = خلا تحت عيني أثر ووسوم
ما وقّفتْ رجلي على الأطلال = حتى عصاني قلبي المكلوم
من كثر مادمعي يشبْ وسال = ماعاد عندي ثوب فيه اكموم
خلقت اجاهد راحل ونزّال = من وين ماوجّه لقيت هموم
أحسّ بالتهميش والأهمال = ماكن لي ديرة وربعي قوم
قد لي سبوعين وثلاث ليال = كل يوم وانا اقول هذا اليوم
بآسج وابني قلعة الآمال = واعيّن اطيور الضياع تحوم
لا حول صدق ومطولك يا بال = وَ حوم كبدي من سنيني حوم
واعدت لي عشرة وانا جمّال = مافيهم اللي زبن المضيوم
مافيه داع اشمّت العذال = واذيع سري واظهر المكتوم
لابد ياتي للفرج مدخال = واذوق من رحيقه المختوم
خويي على الإيميل والجوّال = يقفي ماني في خوته ملزوم
وش خانته لا صك جالٍ جال ؟ = دام التواصل بيننا معدوم
إلى دعيته جاري الأرسال = وأنا رهين الواقع المشؤوم
عجزنا نحايل حظنا البطّال = نبكي على ماضيينا المردوم
إلى اغتنت مدينة العمّال = راحت على راع العزوم عزوم
غدا الرئيس بكفة الحمّال = من يلتفت في سورها المهدوم ؟
يا رب أجرنا حزة الاهوال = جار الزمن وتغيّر المفهوم
تتعاقب الأحداث والاجيال = كنّا بذاكرة الليال حلوم
الناس تفنا , والقبور تهال = والوقت يمضي , والسنين تشوم !!

ماجد المهنا

[محمد بن عمار]

	السلام عليكم ... العزيز/ ماجد المهنا صح قلبك وفكرك سعدت بمروري هنا فيض ودي وتقديري محمد بن عما ر

[عبدالله الشويمان]

صح السانك اخوي ماجد المهنا

قصيده طيبه من شاعر طيب

لا هنت خوي لا هنت

[خالد العمري]

ذكري معَ الوافيـن طيّـب فـال=والله مجنبنـي عــن المـذمـوم
لـو ان جيبـي مايضـمّ ريــال=ماجيـت مستعطـي ولا محـروم

الأخ الفاضل والشاعر القدير

ماجد المهنا
صح لسانك وأعتلى شأنك

فعلاً قصيدة رائعة الجمال والمعنى
لله درك فلقد أستوقفتني كثيراً ولا زلت أريد الوقوف أكثر


تقبل مروري وإحترامي لشخصك وحرفك

[صوت الإحساس]

صح لسانك



هلابك وبقافك



لله درك



صاق الود

[ابو أنس]

الفاضل ماجد المهنا.....................
تعبير جميل ونفس طويل وبوح عذب
هجينية رطبة موفقة جميله

اربْ ناصيـة الشعـر تحـتـال ## فرايـدن مــن دري المنـظـوم

أكيد انها احتالت واختارت فلاائد جميله

من كثر مادمعـي يشـبْ وسـال ## ماعاد عندي ثـوب فيـه اكمـوم

هنا صورة جميلة اعجبتني واستوقفتني كثيرا
لك كل الشك

[ابوعبدالرحمن القريشي]

للصبر في عيني شُعب واشكـال ..واجلّها صبـري علـى المقسـوم
ماكـل شـيءٍ فالضميـر يقـال ...بعض الامـور تشيّـب المفطـوم

شاعرنا الرائع ماجد المهنا

ابدعت في هذه القصيدة
لا مست مواطن كثيرة يشعر بها الاغلبية

صح لسانك مليون

دمت بود

[ابراهيم عبدالحميد]

ماجد المهنا

سعادتى بالغه بتواجدى لمصافحة إبداعك المتميز الراقى
ننتظر منك أخى كل جديد بشغف شديد

دمت و سلمت و غنمت

[الخنساء]

صح لسانك اخي الشاعر ماجد
لاهان را سك قصيدة رائعه
سلمت وسلم شعرك
دمت بخير

[عيدالماجد]

صح لسانك شاعرنا تقبل تحياتي