شاعر واعترف ..!!

لاتحسب اني احبك من ترف=انت في حزني وبافراحي طرف
من غيابك يشتعل قلبي عذاب=وان حضرت يزيدني هذا شرف
والله انك كل ماطرفي غفى=جيتني في مزهريه من سرف
ترشف اهدابي مع النسمه شذاك=واشربك بانفاس شاعر ما احترف
ياحبيبي ما أبي الحب الملول=زارني ساعه وبعدين انصرف
من يضن ان الهوى همسة ظلام=او هو اللحظه ورى شهقة غرف
صدّق انه مثل بياع الزهور=لاكسب نفسه ولا دمعه ذرف
شاعرك مجنون في فهم الغرام=ماعرف غير التسامي ماعرف
من لمس قلبك , وهو فوق الجنون=او اقل شوي : شاعر واعترف
خل عنك اللي الى ضاقت عليه=بدّل افلاسه بترديد الطرف
اقدر اسميه من دون اعتذار=عاشقٍ فاشل ومن عقب انحرف
لاتصنفني مع اصحاب الكلام=ولامع اللي صابهم فعلاً خرف
اصدق بحبك وخذ مني يمين=انك بدنياي وآخرتي طرف!!

تحاياي

[حي الضمير]

الشاعر الرائع سعود الصعيبي صح لسانك
الحقيقه ابدعت وامتعت بتلك القصيده الرائعه

[ابو أنس]

الفاضل سعود الصبيعي.....................
هطول عذب وحرف متقن وبوح رقيق مهندس
بارعة وجميله
لك كل الشكر
ر

[ابراهيم عبدالحميد]

سعود الصعيبي

تقبل تحياتى و تقديرى و إعجابى
بما و جدت بين سطورك الراقيه الصمت أبلغ من أية كلمات قد لا توفيك حقك

دمت و سلمت و غنمت

[سناعيس]

سعود الصعيبي
صح لسانك والله لايهينك
قصيدة رائعه من شاعر متمكن
لاهنت

تحياتي

[داعي الشوق]

صح لسانك يالشاعر سعود الصعيبي

قصيدة معانيها عاشقه بالحيل

وشاعرها هواوي بالحيل

تسلم وصح لسانك

مع التحية ،،،

[وليدالبسطي]

الشاعر المبدع



سعود الصعيبي

















صح لسانك على هذا الابداع


لاهنت



















اخوك









وليدالبسطي

[ســُلاف]

اصدق بحبك وخـذ منـي يميـن
انك بدنيـاي وآخرتـي طـرف!!
حياك الله ياسعود
صح لسانك وريح الله بالك

[الطامي]

سعود الصعيبي
صح السانك
ولاهنت
ابدعت فيها
شكرا لك اخي

[سعود المسعد]

صح لسانك يالسمي
لك ودي ومتابعتي