حول التعدد

[منيع]

لاتبلشون الراي في شخص عثمان محتار=هذا ترى حده يساهم بقروشه بسابك وللجين
لايسمع الموعظ ورمة فاته كمايقولون القطار=لاتدبلون الكبد وياه مافيها لايسار ولايمين

[الطائر المهاجر]

ترى دين الولي واضح وضوح الشمس دون غبار = وانا ماناقش التعداد في حله ولا في الزين
اناقش كيف صار اليوم من استغلال للتجار = يبيعوا ويشتروا في البيض بليا فكر او تثمين
يقولوا الدين يامرنا واقول الأمر للأخيار = من اللي طبقه كله بلا استثناء او تعيين
ولا خذ ما يريده منه وخلى الدين مثل ستار = يخبي ما يبي خلفه ويظهر كنه الورعين
فدين الله شامل ما يجزأ درهم و قنطار= ومن في قلبه الإيمان فلا يستخدم المدين

[منيع]

اصلح الله المشرف وزاده ايمان وجنبه واهج النار=على رسلك ترانا في كوكب المريخ وحنا مودارين
الجشع موجود واهل الدين واللي يعبد الفلس والدينار=ومن خلقت الدنيا وشكل الناس صنفين سمح وشين
ومن لايتقى ربه ولاطبق السنه وباع في ام الخماروجار=الرب مايغفل والظالم ولوطال الزمان يكتوي بنارين

[الخنساء]

--------------------------------------------------------------------------------



ترى دين الولي واضح وضوح الشمس دون غبار
وانا ماناقش التعداد فـي حلـه ولا فـي الزيـن
اناقش كيف صار اليـوم مـن استغـلال للتجـار
يبيعوا ويشتروا في البيض بليا فكـر او تثميـن
يقولوا الديـن يامرنـا واقـول الأمـر للأخيـار
من اللي طبقـه كلـه بـلا استثنـاء او تعييـن
ولا خذ ما يريده منه وخلى الديـن مثـل ستـار
يخبي ما يبـي خلفـه ويظهـر كنـه الورعيـن
فديـن الله شامـل مـا يجـزأ درهـم و قنطـار
ومن في قلبـه الإيمـان فـلا يستخـدم المديـن

صح لسانك الطائر المهاجر ابيات تحمل
الواقعيه والعقلانيه
سلم فكرك وشعرك
اجمل تحياتي

[نجم الإبداع]

انا واثق وبالله الثقه في فكر مايحتار = يناقش في امور المجتمع والحق صوب العين
نعم ماقلت عدل ولا معي في نظرتك نثار = ولكن التشاؤم من سمات البحث والتلحين
شهد واحد سنافي وانت عقبه زدت بالمعيار = وهو ورد شهاده صادقه ماجت على الحبلين
يفند للمزاعم والاجابه جت كما الاعصار = حلف بالله ماشاف الذي وصفت وينك وين
ولكن في زمان الفتنه ضاع البوت والبحار = ودون الحق حطوا بالحضاره والجهل سدين
تغيرنا وصار المال معنى والنفوس اصغار= تكالبنا على الدنيا تبدل حالنا حالين

[الطائر المهاجر]

شهد واحد ونا حضّرت ثلاثة واقٍعٍ واقرار= ومن يبغى الدروس الوافيه يكشف سجلات المساجين
بعضكم ينظر الإيجاب ولا له بالسلب منظار = يبي ورد ويبي فل وينسى الخاتمه لا وين

[نجم الإبداع]

عرفنا مير وشبك خايف من الحق يامختار = تخاف من العيون وقمت تصرفها على قرشين
تهاب من العقايب وانت ناوي تكسي الشعار = وعندي الكرت والعنوان والموعد عقب شهرين