شوي شوي(( ن ط ش))

نجم الإبداع · 05-10-2011, 05:34 PM

نجم الابداع=
يامرحبا بالي لفى وبدى لي =بدر الدجى والا شعاع ثريا
انا لقيتك مشترك في رالي=ومانته بها ياعود شخص حريا
عبدالله الشويمان=
تبقا يابن منشار وقدرك عالي=النور بان ونور اللي بذييا
نبي نغني يالالي لالي=كله فرح بوجود نجم هنيا
نجم الابداع=
مادام يابو بدر جبت العالي=بارجع معك في دربك المبريا
انته عويشق صابك الغربالي=لاشفت هند ولالقيت ثريا
عبدالله الشويمان=
طيحتني بالعشق يا الحبالي=وانا عنه غافل ولابي كيا
انته تطارد هند كالخيالي=قبلي وتطارد نوف يا المبليا
نجم الابداع=
احذر تعدي الحد يالمحتالي=ماني دليل ولانجي مخفيا
مالي بطرد الغيد فالغربالي=اصيد صيدي فالبراري حيا
عبدالله الشويمان=
اسكت لاعلم جعلك السلالي=في شي عنه الناس بك مشنيا
العشق ماهو لي مثال اظلالي=وانته بعشقك هايمٍ ومضنيا
نجم الابداع=
مايسكت الفرسان يالجمالي=وانته تسير وكاحلك مثنيا
تبعد وانا مالي عليك اقبالي=يامحترف بالفول عندك غيا
عبدالله الشويمان=
تمشي مابين الخلق كالهروالي=كنك تدور شي ولك مبغيا
يا العود الاقشر مانت فارس مالي=ولا من الفرسان في نجديا
نجم الابداع=
انته تطوّل بيننا السربالي=وتون كنك فالهوى منسيا
يشهد لي الدكتور والزلزالي=وان زدت باشوي خافقينك شيا
عبدالله الشويمان=
يا نجم ياللي كنك الدلاالي=تمشي وتبيع الشعر غش فريا
والي لكم يشهد بنص ريالي=من دخلك اللي تحصله يا ذيا
نجم الابداع=
لاتدعي بالزور وانت تمالي=مابعت شعر ولاقربت زريا
والي شهد في عالي المنزالي=يكرم عن الرشوه وهو مغنيا
عبدالله الشويمان=
لا تمشي رجل اركب على الزمالي=جطل بدون الوثر يا المحفيا
وانا ابجلس جانب الشلالي=اقصد واغني يا المشقا غيا
نجم الابداع=
الضب مايشرب وجا يختالي=فوق الطعوس وخافقه محنيا
امسكه بالعكره بدون جدالي=واطويه مابين الدفاتر طيا
عبدالله الشويمان=
البدع عندك وانتهي باقوالي=وشلون حالك بعد هذا الشيا
واقول صح السانك الدجالي=في كل ساحه لو هي بتركيا