قصيدة في أحد الزملاء

[عبدالمحسن الرحمه]

( مــــــــــــــــدخــــــــــل )

عز الله أني من هوى البوح مذبوح = الله يعين القلب لا زاد بوحه
يا بوح قلبي من بلا الوقت مجروح = تكفى أبي حظنك يدفي جروحه
أحدن مع أحلامه بنا عالي اصروح = واحدن رسم حلمه وخيله جموحه
ناس ٍ تنام الليل ما عندها اجروح =مرتاح ما عنده هموم ٍ تكوحه
وناس ٍ دموعه فوق خديه مسفوح = محتار ما يقدر يبّن شروحه
يا بوح حالي تشتكي الهم و النوح = محتاج لك يابوح نفسك سموحه
هم ٍ سكن بي ياعرب دوم مشفوح = لزقت ظهر خلا حياتي نزوحه

( في أحد الزملاء أود له احترامي وتقدير )

هاج الضمير اللي له أيام ما هاج=قامت حروفه تصتفق في ضميري
يا بوح لك حب ٍ حفظته بالأدراج=ما يمحي باقي و قدره كبيري
حبك تواصيفه على خير منهاج=نبعه يزيح الهم لوه عسيري
حبك حكم قلبي مثل حكم حجاج=اللي علا صيته شجاع ٍ خبيري
كلما ذكرتك زاد بالقلب و هاج=دمعي على خدي تهامل غزيري
أصبحت مع دربك أنا اليوم دواج=ومن عادتي والله ماحب المسيري
مزن الغلا في داخلي حيل ثجاج=يروي ضما قلب ٍ حداه الزفيري
كتبت لك قصه بها صدق الأخراج=مونتاجها بسمة شفاتك تديري
من بعدكم كني على حامي الصاج=محروم من بعدك حلات السريري
شوقي صعد بي لمك اليوم معراج=عانقتكم بأشواق طفل ٍ صغيري
مابه سواكم داج في خاطري داج=قطفت من حبك زهور و عبيري
حبك علا صيته مثل صيت هداج =أللي ملك بير ٍ صراحة شهيري
أسمك مطعم يبن الأجواد بالعاج=لي الفخر دامك بقلبي مديري
ياكود بحر الحب به عالي أمواج=من جربه يقضي الليالي سهيري
يا بوح لو تبحث لك اليوم مخراج=بين المحاني لو تجول وتطيري
قفلت أنا كل المخارج بمزلاج=وزعت حراس الغلا في ضميري
والله لو تطلب من القلب الأفراج =حكمك مؤبد في حشايا عسيري
هذا غلاكم ثابت ٍ مثل الأبراج=ما ينتهي حتى ألاقي مصيري
من حبكم أمشي على درب الأفلاج=مستاسع الخاطر وحالي بخيري
يا زين جو الحب ما حولك إزعاج=في جوه الهادي صراحة يثيري

[داعي الشوق]

صح لسااانك مليووون يا عبدالمحسن

ابداع نازف و جارح

الله يهونها عليك يالشاعر

ولاهنت

و صح لسانك مدد

[الـزلـزال]

عبدالمحسن العمر

نص رائع وجميل
من شاعر متميز ورائع في كل حالاته
أبدعت وأمتعت شاعرنا رعاك الله
دمت بخير وحب ودام لنا حرفك الراقي
صح لسانك ملايين ملايين
ولك فائق تحياتي وتقديري

[حنان الكون]

أكثر من رائعه
يعطيك العافيه
تحياتي

[كظيم]

عبدالمحسن العمر
لحرفـك نبض صـادق
وللجزالــه والروعـه فكـر ومعنــى
وإنت ابدعت وامتعت بهذه البـاذخــه
صـح لســانك يالنشمـــي
قصيــده في منتهــى الجمــال
اعجبتنــي كثيــرا ً لله درك
تقبلنــي وتقبــل مروري المتـواضــع لاهنت
ودي وتقــديري

[طوفـــان]

الله اكبر ...

ماشاء الله يابو مالكـ ، بوح صادق ومجروح ..

الله يحقظك يالغلا ..

[الطامي]

لزقـت ظـهـر خــلا حيـاتـي نـزوحـه
،،،،،،،،،،،،،،،،،،
العمر
صح السانك ملايين
اي والله لزقة ظهر ام طير القديمه
رائعة رغم قصرها
لاهنت اخي

[الخنساء]

يا بوح قلبي من بلا الوقت مجـروح

تكفـى أبــي حظـنـك يـدفـي جـروحـه

أحدن مع أحلامه بنا عالـي اصـروح

واحدن رسـم حلمـه وخيلـه جموحـه

ناس ٍ تنام الليل ما عندها اجـروح

مرتـاح مـا عنـده هـمـوم ٍ تكـوحـه

وناس ٍ دموعه فوق خديه مسفوح

محـتـار مــا يـقــدر يـبّــن شـروحــه

يا بوح حالي تشتكي الهـم و النـوح

محتـاج لـك يابـوح نفسـك سمـوحـه

---

يا بوح لك حب ٍ حفظته بالأدراج

مـا يمحـي بـاقـي و قــدره كبـيـري

حبك تواصيفـه علـى خيـر منهـاج

نبعـه يـزيـح الـهـم لــوه عسـيـري

حبك حكم قلبـي مثـل حكـم حجـاج

اللي علا صيته شجـاع ٍ خبيـري

كلمـا ذكـرتـك زاد بالقـلـب و هــاج

دمعـي علـى خـدي تهامـل غزيـري

--

-------------------------------------------------


صح لسانك مليووووون ولايكفون

قصيدة مؤثرة وقلبت المواجع

الله يرحمه ووالدى وموتى المسلمين

سلمت ودام حرفك

[فارس القوافي]

دائما جزل ومبدع ياعبدالمحسن

صح لسانك

لاهنت

يعطيك العافية


دمت بخير

[عبدالعزيز العمار]

صح لسااااانك ياعبدالمحسن وجاد بيانك

جزل في كل شي لاهنت ولاهان فكرك الجياش

تحياتي لك