تحيه للشعب الليبي المنتصر

[الطائر المهاجر]

لله در رجال ما ارتضوا قهر = ثاروا على الطاغي وهدوا حصونه
من بعد ذل وخوف يمشون في حذر= قاموا بعزمٍ ما يعرف الليونه
فدوا وطنهم بالعمر يبغوا الظفر= ولا هابوا اللي داسهم في مهونه
توحدوا ف الدرب ماهابوا الوعر = والكل يبغى ف الشهاده سكونه
ماهمهم لو طال او بالعمر قصر= الكل شال الحمل واثقل متونه
احرار خطّوا نهج الاحرار بالفخر= بالفعل لا بالقول كلٍ يصونه
حتى تحقق ما يبي الشعب وانتصر= والطاغيه بالخزي يسحب ردونه
درس لكل اللي من الشعب احتقر= وفي عقله الواهم بظنه يبونه
الملك لله مالك البر والبحر = يؤتيه من يحفظه لا من يخونه
بالعدل والمعروف يحكم بما امر= ماهوب فاسد دالهٍ في مجونه
ولا هو حرامي غايبٍ كان او حضر= سفّاح مجرم قاتلٍ في رعونه
ومن ينصحه لله ماجاب له خبر = ومن خالفه بالراي يرمى بسجونه
من لا اعتبر بالغير من سالف الدهر= يقتله شعبه محد يحميه دونه
ويحشره ربه مع ابو جهل في سقر=هذي نهاية من عمت به ظنونه
تبقى الشعوب وينتهي حاكمٍ عبر = والكاسب اللي بالعدل يذكرونه

[منيع]

على الباغي تدور الدواير
شكرا لك
تحياتي

[سمّار]

صح لسانك وقلبك يابو عبدالله
طاب لي مصافحة هذه القصيدة التي تصور انتصار اخواننا في ليبيا على طاغيتهم
الحمد لله واسال الله ان يمن عليهم بمن يقيم العدل والدين فيهم
لافظ فوك
تقبل مروري ومودتي

[بدر العيد]

ويحشره ربه مع ابو جهل في سقر
هذي نهاية من عمت بـه ظنونـه
تبقى الشعوب وينتهي حاكمٍ عبـر
والكاسب اللـي بالعـدل يذكرونـه


صح لسانك يابو عبدالله

[روح الشعر]

صح لسانك يابعدي.


تقبل مروري

[الطامي]

الطائر
صح السانك ملايين
رائعة جدا
نصر الله الأسلام وأهله
اللهم امين
شكرا لك

[عبدالعزيز العمار]

صح لسانك يادكتور وجاد بيانك

طيبه وجزله كالعاده

ونتمنى من اخواننا الليبيين سرعة توحيد الصف لدحر أي فتنه قادمه

تحياتي لهطولك الرائع ودمت برعاية الله

[كظيم]

الطائر المهـاجر
صح لسانك وفكرك
قصيده جزله وطيبـه
والله يوفق اخواننـا في ليبيـا
والله يرحم كل مسلم ويغفر لـه
تقبلني وتقبل مروري المتواضع لاهنت
ودي وتقديري

[فارس القوافي]

الله يرحمه ويغفر له ويهدي البقية

صح لسانك

لاهنت


يعطيك العافية

دمت بخير

[عمر ال شيبي]

سلمت يدك وصح لسانك