تهيضت

محمد بن لقفص · 02-11-2011, 10:37 AM

ألا يا وجودي على ما مضى =من العمر يا بو سعد وانقضى
وجود الذي بعد طول الرضا =لقاء الغيظ في وجه من عاشرة
سنين مضت لي بدنيا الورى =وأنا بين ذيك المُدن والقرى
تهيضت والجفن عاف الكرى =دموعي على الخد متناثرة
حياة جميلة ربينا بها =زين النوايا مشينا بها
وكلمة ردى ما سعينا بها =ولارواح بالمكرمة عامرة
فهذاك يعطيك مما تبي =ولا جاك توفي له المطلبي
وكان التواصل وحب النبي =وكان الوفاء هامته ظاهرة
زمانن به الناس متكاتفة=وكانت على الخير متحالفة
ولارواح بالصدق متوالفة =وكانت على العز متخاشرة
وهذا الزمن شفت فيه العجب =وجب فيه شي وشي ما وجب
وذاك الهناء عنه كيف احتجب =وبانت به اللوحة الغابرة
قليل ترى من يحب الوفاء=ومن هو على مجريات الصفاء
بماله عن الناس كيف اكتفاء =وعن عين غيره رفع ناظره

ولنص بقية سترونه قريبا إن شاء الله تعالى