الا ياوازن شعره(بالصوت)

[الطائر المهاجر]

الا ياوازنٍ شعره قبل ما تازنه ينصاع = عليك بوزن تفكيرك ترى العقّال يحصونه
يبان الرجل من حرفه وبعض الهرج ماله داع = فكم من واحدٍ زلّة لسانه تهدم حصونه
وكم من كلمةٍ قالت ترى في مخرجي اوجاع = فدعني وابتعد عنّي الى كلمات مضمونه
واذا ما تلتقي غيري فصمتك سيّد الأطباع = مدام الصمت حكمه لو قليل الناس يدرونه
ترى ما تنفعك آسف فلا هي تنشرى وتنباع = ولو بعض العرب سامحك ما تدري بمكنونه
بعضهم كالجمل يحقد ولو يضحك بوجهك ساع= يخطط كيف يثأر منك في لحظات مأمونه
وبعضٍ شرس في ردّه يكيل الصاع سبع اصواع = فهذا طيّبٍ قلبه فلا تخشى من شطونه
ومهما كنت متمكن بما تكتبه من ابداع = فلا تلفت نظر حاسد بضوءٍ يعمي عيونه
من اللي وصل للعالي وصار الضوء له مرباع= تراك تهدده واللي معه ما ظن يرضونه
فهذا وصلت عروقه لعمقٍ في يده مطواع = يحرق اللي يجي حوله ويحمي طاغي مجونه
مثل هذا يبي من كبر لراسه بكل اقناع = وأنه وحده الشاعر وغيره ما يضاهونه
ينادي دوم يااستاذي ولو هو خيشةٍ ورعاع = وتقرب منه مثل اللي على اشعاره يحبونه
ولا تنسى تعزمه فالكرم كالجسر للزراع = ترى بطن الرجل مفتاح قلبٍ تجهل ظنونه
ومره من بعد اخرى تقرّب منه والأتباع = الين انك تصل للظهر واللي معه يفتونه
فيفتح لك طريقٍ يرفعك لو كنت تحت القاع = وتصل للضوء والشهره على خطوات موزونه
فهذا الحال والواقع بوقتٍ واضح الإيقاع = فلا هو كل من طال الثريّا خير من دونه

مااجملها من ابيات يادكتور
رائعه بمعنى الكلمه صح لسانك
بعضهم كالجمل يحقد ولو يضحك بوجهك سـاع000يخطط كيف يثأر منـك فـي لحظـات مأمونـه
ولافيه احقد من الجمل
ابيات غايه في الجمال ومليئه بالحكم
سعدت بقراءتها ووقفت عند كل بيت فيها
تحياتي وتقديري

[الطامي]

الطائر
صح السانك وسلم بنانك
فعلا (( كم كلمة قالت لصاحبها دعني ))
وفعلا (( ان البشر لأيأكلون بل تأكل عيونهم وكروشهم ))
وفعلا بعضهم يبطن مالا يظهر
<<<<<<<<<<<<<<<
ذكرتني بأحدى قصائدي التي تضمنها بعض ماذكرت ،، وتجدها على الوصلة التاليه:-
http://www.fatahilah.com/showthread.php?t=13860

[مبارك أبوظهير]

جميل جدا ..



الغالي .. أبوعبدالله ..



هذي وين كانت .؟؟ أشوف اول رد مكتوب ترفع للهمس .. ؟




عموما صح لسانك .. وقواك الله .. رائعه جدا .. وعادتك ماتجيب إلا الروائع




إعجابي .. وغلاااااااااااااي




م ن

[ماجد المهدي]

ابو عبدالله

قصيدة اذهلتني

معاني ونصائح قيمة ندر من يعلمها وينثرها لنا

صح لسانك سرحت بها يا القرم إلين تأخرت عن وقت الكلاس

تحياتي لك يا الغالي

ماجد المهدي

[صوت الإحساس]

صح لسانك

قصيدة قيمة

تحفظ عن ظهر قلب
للفائدة



لك خالص الود والتقدير

[منيع]

وكم مـن كلمـةٍ قالـت تـرى فـي مخرجـي اوجـاع=فدعـنـي وابتـعـد عـنّـي الــى كلـمـات مضمـونـه

الحكمة تقول
كم كلمة قالت لصاحبها دعني

شكرا ابوعبدالله
على هذه الابيات الرائعه
رعاك الله
تحياتي

[سناعيس]

الطائر المهاجر
صح لسانك
كما عهدناك حكيما وجزل
بيض الله وجهك والله لايهينك

تحياتي

[حي الضمير]

شــــــاعر الحــــكـمة ... صح لسانك

[ابومياس]

جميل الهدف

ورائع الاسلوب

وجزل المعنى

ابوعبدالله صح لسانك ودام حرفك

دمت بخير