مسابقة القصائد الإيمانية

[الطائر المهاجر]

المشاركة الأصلية كتبت بواسطة محمد البلاجي

بديت باسم مصوّر الكون تصوير=الواحد اللي كلنا نرتجي له
علاّم ماتخفي صدور الشواعير=قابل متوبة عاصي(ن) زاد ميله
رحمتك يالمعبود من كل تقصير=عبدك ضعيف(ن) أجـْـهَـد الذنب حيله
انت الذي لاجله دموعي محادير=خشية عذابه يـوم عـَـدْ الحصيله
يامظهر(ن) من عسر عبدك تياسير =عليك نفسي من خطاها دخيله
راجيك لاصَــفــّـوا علـي المنـاعير=طوب المقابر واعقبوها نثيله
واقفى القرايب يندبون المقادير=واقبل حساب القبر00مين التجي له
ياكود عطفك يارصيد المخاسير=ساعة رصيد العبد قاله وقيله
ماهوب جمعه للذهب والدنانير=والا وجاهة شـِـيخته فالقبيله
قولك حصانك لاعسفته على الخير=عدّى كلاليب السراط المهـِيله
ساعة يشيب الطفل0ماقلت بيصير=فاحرص على الاذكار لاحان ليله
واظب عليها صبح مع وصـّة الطير=حرزك من الاخطار واهل الخميله
صل الصلاه بوقتها دون تأخيـر=بعد الوضو كل الصغاير قـِتيلـه
وإيـاك ومجالس هل النفخ فالكير=نقــّـالة البهــتـان رَبـع الهزيـله
اهل النمايم فالبشر دون تفكيـر=ماطبقــّوا هــَـدي النبي ودليـلــه
فاحذر يراك الله ظــلاّم للغيــر=واحذر تروم خطاك درب الرذيله
طهـّـر حلالك وارده والمصادير=اخرج زكاته دون بَخسة مـِكيله
شكر النـِعم يـالعبــد سنــّـه وتوفير=احمد بها معطِ العطايا الجزيله
نصيحـة(ن)لمسخـّـر القاف تسخيـر =يسوقهــا لاهـل النفوس الفضيله
صلـّوا على المبعوث بشرى وتحذير=عـِـدْ المطر وعداد نبت المخيله

0
0
0


محمد البــــلاّجي

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـ

[الطوير]

بارك الله فيك وجهودك المميزه
تحياتي