ليلة الاسرى

[مشعل التريباني]

بسم الله الرحمن الرحيم

الشاعر\ مشعل عسام التريباني الشمري
(ليلة الاسرى )من ارشفي القديم

اعوذ بالي سخّر الجن لسليمـــــــــــان (1) سامع دبيب النمل في ليلة الغــــــــدرى

جزيل العطا راع المكارم رفيع الشـان (2) منجي سفينة نوح من غبّة البحـــــــرى

بامره يسير الكون كامل بلا نقصــــان (3) سميعٍ عليمٍ يعلم السر والجهـــــــــــرى

هو اللي رفع سبعٍ طباقٍ بلا عمـــــدان (4) مرس الجبال الشم ومثبّت الصخــــرى

ياسامــــــــــع الدعوات يامنزل القران (5) يارب جمّلني بتقواك والصبــــــــــــرى

الهي رضاك ارجوه والعفو يارحمـــن (6) ياقلّو الانصار ثم حشرج الصـــــــــدرى

في ساعةٍ ماينفعــــــن كاينن من كـــان (7) الابن مايحمل عن الوالد الـــــــــوزرى

يارب ثبّتني الى زاغة الاذهــــــــــــان (8) على كلمة الاخلاص في ساعة العسرى

حنّا بشر نخطئ وينتابنا النقصـــــــــان (9) ومن مد كفّه للولي ماتجي صفــــــــرى

ارجوك تغفرلي من الذنب ماقدكــــــان (10) وتعينني لرضاك ياعالــــــــي القدرى

نرجوك عفوك يوم نخرج من الاوطان (11) حفاتٍ عراتٍ غرل مافوقنــــــا سترى

في ساعةٍ يحشربها الجن والانســــــان (12) تضيق البسيطه بالبشر مابقـــــا شبرى

تعرض صحايفنا وتنظر بها الاعيـــان (13) وتعطا كتابك ثم يومرعليــــــــــك اقرى

انكان خطك في يمينك فحضّـــــك زان (14) قريت الكتاب ويسّر الله لك اليســـــــرى

وسكنت النعيم اللي بها ينعم السكـــــان (15) تحت ظل عرش الرب وانهارلك تجـرى

وانكان خطّك في شمالك ترك خسـران (16) اعوذ بالرحمن من مسكن الخســــــــرى

يارب عفوك طالبه وارجي الغفـــــران (17) انت الـــــــــــذي بذنوب كل العباد ادرى

طبع الفتى يخطي ويجتاحه النسيــــــان (18) والله على المخلــوق كم يضفـــي السترى

وتمّة وصلى الله على خاتم الاديـــــــان (19) نبيٍ عرجبه للسما ليلـــــــــــــــة الاسرى

صلّو عليه اعداد ما ينهمـــــــــــر ودان ( 20) ماهل همال المطر واغرق الصــــحرى

[الطائر المهاجر]

كتبت فأبدعت وامتعت
جزلة من راس جزل وشاعر مبدع
صح لسانك ولا هنت
تحياتي الطيبة

[الطامي]

التريباني
صح السانك ملايين
ابداع كتب الله لك الاجر
شكرا لك

[مشعل التريباني]

الطائر المهاجر
الطامي
مروركم شرف لي الله لايهينكم جميعا

[الخنساء]

حنّا بشر نخطئ وينتابنا النقصـــــــــان (9) ومن مد كفّه للولي ماتجي صفــــــــرى

ارجوك تغفرلي من الذنب ماقدكــــــان (10) وتعينني لرضاك ياعالــــــــي القدرى

صح لسانك مليووووووووووون

قصيدة جزلة من شاعر متمكن

سلمت ودام حرفك
[/center]

[داعي الشوق]

صح لسانك مشعل

و طاب حالك و زانت علومك

قصيده حاكت الجمال

ولاهنت

[ابراهيم غضيان الشراري]

ياسلام عليك يالشمري.

الله يعطيك الصحة والعافية على هذه اللوحة.

صح الله لسانك أخي مشعل.

تحياتي وتقديري.

[منيع]

جزل ومبدع
ربي يرعاكم بلطفة
تحياتي

[الراقي]

صح فكرك

صح بيانك

ودام حرفك ..

و صح السانكـ

[مشعل التريباني]

الخنساء
شكرالكي على المرور الله لايهينكي اختي الفاضله