ياضايق الصدر من دنياك سايرها

[الطائر المهاجر]

ياضايق الصدر من دنياك سايرها=يومٍ تغيّر فلا تبعد حراويها
محدٍ صفت له وكلن صار خابرها= من اول الدهر تقلب في مواريها
اخذ الحذر يوم تقبل في بشايرها= واضحك لها يوم ما تعلن تحديها
ادري تضايق من الاوضاعٍ سابرها = ومن شوفة الناس ماتحفظ مباديها
وحقوق ضاعت بليا عدل يجبرها= والواو ترفع طبولٍ في تعليها
حتى الحصاني غدت من ضمن اكابرها= والذيب ينزف لطعناتٍ بلش فيها
والبوم تلقاه يرطن في منابرها= والصقر ذاير ومخلابه يخفيها
واحرار مقهورة ماطي صابرها = واوغاد صارت تسيد في علابيها
كله من الواو دام الظهر ساترها= ومبدا الثقه دون تمحيصٍ لراعيها
لو كان هالواو يقطع كل دابرها = شفنا رجاجيل بالأفعال تبنيها
ولو كان عين الرقيب الكل خابرها=يحسب لها حساب باولها وتاليها
"من اين لك" كافيه تكشف مخابرها= ويعاقب اللي يتخلف عن مباديها
"من وصّلك" تكشف اللي جاء يمررها=هذا يرقد وذا للجيب يدنيها
بيز ورا بيز تعرف من ظواهرها = واللي يتفنجل ورا الجدران يحميها
من دون ردعٍ فلا مأمن لآخرها= امراض تسري ولا تلقى مداويها

[عبدالله السويلم]

صح لسانك يادكتور

جزله وهادفه

يعطيك العافيه

تحياتي

[نجم الإبداع]

ايو الله صدقت يابو عبدالله

صح لسانك

ولاهنت

[حي الضمير]

ياضايـق الصـدر مــن دنـيـاك سايـرهـا..يـــومٍ تـغـيّــر فــــلا تـبـعــد حـراويـهــا
محـدٍ صفـت لــه وكـلـن صــار خابـرهـا..مــن اول الـدهـر تقـلـب فــي مواريـهـا

قصيده رائعه وابدعت وعوااايدك
ومدد صح لسااااانك شاعر الحكمة

[منيع]

مبدع ورائع وجزل
شكرا لك
تحياتي

[ساهر الليل]

ياضايـق الصـدر مــن دنـيـاك سايـرهـا =يـــومٍ تـغـيّــر فــــلا تـبـعــد حـراويـهــا
محـدٍ صفـت لــه وكـلـن صــار خابـرهـا=مــن اول الـدهـر تقـلـب فــي مواريـهـا
اخـذ الحـذر يـوم تقبـل فــي بشايـرهـا=واضحـك لـهـا يــوم مــا تعـلـن تحديـهـا

الله الله الله

مبدع مبدع مبدع

صح لسانك صح قلبك صح كلك

هكذا والا فلا

جمال حرف جمال بحر جمال قاف جمال نظم جمال في جمال

لافض فوك يا شاعرنا

تقبل تحياتي واعجابي

[داعي الشوق]

صح لسانك و طاب حالك و فالك

ابدعت يا مبدع و صح لسانك مدد

[هاجس نجد]

صح لسانك يا أبا عبد الله

قصيدة واضحة المعالم وغزيرة المعاني

بيض الله وجهك دائماً مبدع ومتطور

وقليل مثلك من يساير أحداث الزمن ومتغيراته بقصائد لا يفهما إلا المدرك الفهيم

تقبل ودي وتقديري,,,

أخوك | سعـد العبيد

هاجس }{ نجــد

[عبدالإله]

صح السانك جزله من راس جزل
لك كل الإعجاب
تقبل تحيتي

[الطائر المهاجر]

شكراً ابوجهاد
على كريم المرور
لاهنت
تحياتي