علم وخبر

[منصور السبيعي]

السلام عليكم:::

استلموا ياشعار

ً

ودي آخذ مع الشعّار علم وخبر = والسوالف مع أهل العرف يا زينها
ما تعود سوالفهم سبع من عشر = البضاعة بتوزن في موازينها

إن كان به شاعر له شف فترى موعدنا الليلة بعد الساعة العاشرة


وتقبلوا تحياتي

[الطامي]

مرحبا السبيعي عد مالما انهمر = والعلوم الجميله لوك حادينها
اصقل القاف يلمع لايجي به غبر= والمعاني الثمينه زاد تثمينها

[عذب القوافي]

صح ألسنتكم يااشعارنا

معاكم في الصفوف

[منصور السبيعي]

هلابك ياعبد الكريم صح بدنك ولاهنت على المرور

تحيـاتــي

[منصور السبيعي]

تعـديـــل


ماحضر قبيلي على الموعد

واضطريت أعدل الرد

[الطامي]

القبيلي حضر في موعده دون شر = يالسبيعي علامك طلتك وينها
الظروف اتحكم وصدري بفوحه طفر = ودنيا البشر مشقيتهم ومشقينها

[منصور السبيعي]

المشاركة الأصلية كتبت بواسطة منصور الوذين المري

القبيلي حضر في موعده دون شر = يالسبيعي علامك طلتك وينها
الظروف اتحكم وصدري بفوحه طفر = ودنيا البشر مشقيتهم ومشقينها

الأخ منصور المري

أسعد الله صباحك بكل خير


الحقيقة إني البارح حضرت من الساعة التاسعة ووضعت الرد وإنتظرتك إلى الساعة الحادية عشر ولكنك لم تأتي
انظر وقت الرد على المشاركة ووقت تعديل المشاركة في نفس الرد؛؛ أسفله


وهذا الطاروق أدبح ولا عادني راد عليه
إذا في راسك لعب حط أنت الطاروق اللي يعجبك وأبشر لك بعميل


,,,,,,,,,,,,,,,,,,,,,

[الطامي]

السبيعي هلا بك
الوقت يتحكم فينا
وللظرورف احكام
والقصد المداعبه والفرفشه مع امثالك من الطيبين
وكلها الا كلام هزله هزل بعيد عني وعنك وعن اللي فيه خير
وجزله جزل للجميع
وانت استلم :-
مرحبا يالسبيعي عد وبل المطر = والعلوم الذبيله لك منصينها
كان تبغي اتخارج انت تامر امر = ماعليك الركايب دوم محفينها
كلها الا تعارف والا انا من قطر = وانت يابعد دارك ماعرف وينها
وارض كل الجزيره دوم فيها الفخر = دام عز السلام ودامت بدينها
والسموحه تقبلها بريح الزهر = والرجال الفطاحل دوم شارينها

[منصور السبيعي]

المشاركة الأصلية كتبت بواسطة منصور الوذين المري

مرحبا يالسبيعي عد وبل المطر = والعلوم الذبيله لك منصينها
كان تبغي اتخارج انت تامر امر = ماعليك الركايب دوم محفينها
كلها الا تعارف والا انا من قطر = وانت يابعد دارك ماعرف وينها
وارض كل الجزيره دوم فيها الفخر = دام عز السلام ودامت بدينها
والسموحه تقبلها بريح الزهر = والرجال الفطاحل دوم شارينها

الله الله الله
ياولد أما أنا تشتت ذهني مع الصبح ولا حسبت حساب مثل هالبيوت


لكن إستلم ردها طال عمرك


البقا حيك وحي البيوت الدرر = وأنتم اللي حقوق الناس موفينها
ودنا معك نسري في سفر لو شهر = المواقف تميزها سلاطينها
أحسبك هزْت بالرجلين غب البحر = وأحمد الله مخزينن شياطينها
وأنت من دولةٍ فايح نباها عطر = والقبائل موسمةِ بعارينها
يالسمي يالسمي الا انت كلك نظر = ماليٍ يدك وإنا مثل مالينها

’’’’’’’

[الطامي]

مادري السبيعي ليه انا للسحر = ساهر والعيون اتعبت طرفينها
اه لو ادري منهم او من ايا مدر = من سعو بالنميمه بيني وبينها
كان ياصولة مني عليهم فجر = واليدين بخناجر كان مروينها
وانتقم من عدو الجن ويا البشر = ولا امحى سكها ماقيل ياعوينها