مره اضحك مره ابكي بالصوت

[الطائر المهاجر]

مره اضحك مره ابكي منك يادنيا القهر = صرت مدري عن طريقي يتّسع والاّ يضيق
انتهت كل المشاعر ما بقى ما يدّخر = في زمانٍ جمّد الإحساس في القلب الرقيق
ودي اشكي/ودي اصرخ لو تسمّع لي حجر= غير من يسمع لصرخة ضامرٍ اصبح غريق
اهمس بإذن الليالي خوف يلحقها كدر= واثرها صقها ولو تضحك ويعجبها البريق
خبريني ياليالي الصيف ما حولك مطر= اجدبت كل الصحاري والفجر عيّا يفيق
الظلام اللي خنقني وحرم عيوني السفر= لو بغيت انساه يشعرني بأنه لي رفيق
لو تركته ما تركني يظهر بكل الصور= حتى طيفه ما يفارقني ولو نومي عميق
دمّ في كل النواحي حقد في دم التتر = حولوا هالكون غابه واشعلوا فيها الحريق
ماسلم منهم عجوز ولافتاة كالزهر= وصورة الشايب ودمّه من فمه ينزف دفيق
ويش ذنبه يادعاة السلم اشباه البشر= شايبٍ جالس بمسجد ماهو ارهابي طليق
مامعه الا صلاته وش يشكل من خطر= لكن الأحقاد بانت .. ما تغطّى بالنعيق
من عويلم بالديانه ما تفكّر بالأمر= حلل اللي هم يبونه واعتبر مثل الصديق
حيسفا وشلون صرنا بالحضيض وبالحفر= حتى بالتفكير نعجز عن فهم حقدٍ عريق
يا زمن وان طال ليلك فالفجر يبقى قدر= دام فيه الله أكبر فالأمل نور الطريق

[الطائر المهاجر]

ويــش ذنـبـه يـادعـاة السـلـم اشـبـاه البـشـر=شايبٍ جالس بمسجد ماهـو ارهابـي طليـق
يبدو ان الانتقال من مستضبف لأخر لخبط تواريخ نشر القصائد
فهذه القصيدة عندما داهمت القوات الأمريكية الفالوجه وهذا البيت يحكي منظر دخولهم المسجد
واطلاق النار على شايب طان في المسجد يصلي

[منيع]

جزل مبدع مؤثر ورائع
لوحة شعرية فائقة الجمال والتعبير
شكرا لك
تحياتي

[داعي الشوق]

الظلام اللي خنقني وحرم عيوني السفر= لو بغيت انساه يشعرني بأنه لي رفيق
لو تركته ما تركني يظهر بكل الصور= حتى طيفه ما يفارقني ولو نومي عميق

صح لسانك ابو عبدالله..

كانت ايام دامية الله يرحم المسلمين

[الطامي]

صح السانك
ابداع يحاكي الواقع لافض فوك
ولاهنت

[منيع]

خبرينـي ياليـالـي الصـيـف مــا حـولـك مـطـراجدبـت كــل الصـحـاري والفـجـر عـيّـا يفـيـق
الظلام اللـي خنقنـي وحـرم عيونـي السفـرلـو بغيـت انسـاه يشعرنـي بأنـه لــي رفـيـق
لــو تركـتـه مــا تركـنـي يظـهـر بـكــل الـصــورحتى طيفـه مـا يفارقنـي ولـو نومـي عميـق

اجدت وابدعت يادكتور
شكرا لك
تحياتي

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه