لابارك الله في السناب وصانعه

[الطامي]

لابارك الله في السناب وصانعه
خلا الخلايق ساهره الى الفجر

وبين الحكومه والمواطن قابعه
من محتواه اللي لاخير ومنه شر

وتويتر اقشر وفيس بوك وتابعه
والواتس اخطرها على كل البشر

صفحة الايمو بقلوب اهلها طابعه
مكالمه بالصوت والفديو المعتبر

واللاين وغيره من البرامج لامعه
الشر فيها اكثر من خيرٍ ينتظر

هذا دليل في أحاديث جامعه
لنا رواها محمداً خير البشر

هذا يعالم وذاك بذنه سامعه
وبينه وبينه ديار واشطوط ومِدر

وفخذ الرجل تنبيه من هو طامعه
واخبار بيته في غيابه وما الخبر

هذا زمان فيه عيونن دامعه
مما تشوفه بحال الامه والقهر

ترفع كفوفٍ بالدعاء وهي طامعه
جل وعلا يصلح احوالٍ تِنحدِر

[الطائر المهاجر]

سلمت وصح لسانك
عليك بهم تراي مقاطعهم من زمان
تحياتي

[الطامي]

صح بدنك وسلمت
والله يقدرنا مع هالعولمه
ولاهنت بو عبدالله

[منيع]

اجدت واصبت
شكرا لك
تحياتي

[داعي الشوق]

صدقت يابو محمد برامج اكلت الخضر واليابس
صح لسانك ولاهنت

[الطامي]

منيع
صح بدنك
وشكرا لك بمرورك
ولاهنت

[الطامي]

داعي الشوق
صح بدنك
وشكرا لك بمرورك وتعليقك الاجمل
ولاهنت