ماشفتووووو فلاااح ؟؟؟؟!!

[محمد عبدالله البدراني]

يامساء الخير والا ياصباح = واسعد الله جميع اوقاتكم
ياهل العرف ماشفتو فلاح = طيب الذات طابت ذاتكم

[ياسر عبدالرحمن الخالدي]

الله يجيبه

[الطامي]

الله الله يالبدراني
صوت يحتاج الى فلاح فعلا
اين انت يابن منشار
افزع تلحق والا ماتلحق
شكرا لك البدراني على الأثراء الطيب

[محمد عبدالله البدراني]

العزيز الغالي اخو شمّا سلمه الله


مشكور على المرور الطيب وفعلا الله يجيبه غير اوريك فيه


لاهنت يياسر الخالدي وبيض الله وجهك


تحياتي

[محمد عبدالله البدراني]

العزيز الغالي الطامي سلمه الله


مليون شكر لمرورك المثري دائما

لاعدمناك يالمري وبيض الله وجهك

وننتظر فلاحووووه

والا بنستدعيك

تحياتي

[الطائر المهاجر]

كان تنشد عن اللي ما استراح= راح يخرف من نخيلاتكم
برحي اصلي يبيعه في البراح = لو يحرج على ما فاتكم

[محمد عبدالله البدراني]

اههههههههه ابو عبدالله وش جابك بوجهي

انا اخبرك هالحزه نايم ياذيبان !!

لكن استلم لين يجي فلاح

ول ياعوود يامال الرباح = ويش جابك ماهي حزاتكم
ومن يمر العرب سمع النباح = ياعسى الذيب لطلياتكم

[رفيعة الشان]

ههههه

صح الله السنتكم


في انتظار فلاح

[الطائر المهاجر]

جالس استبنه وانا مالي صلاح= قلت ادندن على بويتاتكم
كان ما يعجبك عذري والسماح= انتظر للخصم حتى ياتكم

[نجم الإبداع]

مرحبا يالذي نادى وصاح=عقب نمنا تقل لي هاتكم
رد عثمان جا مثل القراح=ليه ترميه من شرفاتكم