ارووه ياشعار من جرح غزه؟؟

[نجم الإبداع]

الاخوه والاخوات الكرام
شعارنا
هنا سننزف جرح غزه
فلا تبخلو ببيتين
بل جرحين

هنا

الليل حالك فوق غزة فلسطين=ياهل القوافي قربو حول جزه
شبه بنار القاف لاجل المسلّمين=ارووه ياشعار من جرح غزه

[صوت الإحساس]

والله لو به دين ما غمّضت عين = واسلامنا بالاسم كشخه ورزّه
والقلب ميت مات من بعد حطين = وش عاد بعد اللي جرا له يهزّه

[منيع]

ماتت ضمايرهم ولابهم عزيزين=رجالهم ديكور ولافيه عزه
هذي المذابح على الشاشة عناوين=وحنا لك الله قلبنامن يفزه

[صوت الإحساس]

هذاك غافل في رصيده ملايين = وهذا ضرب بالخمس في رز (مزّه)
لو كان فيهم كان ثارت براكين = والعالم اجمع لمّ ماله ودزّه

[نجم الإبداع]

مانصنع الابره ولا نزرع ارضين= ولا لنا بين البشر من معزه
متعطلين ولابسين القراطين = قُطعان مادري بالهفااضلاف عنزه

[رفيعة الشان]

لو كان مانرويه بيقوّم الدين=والله لانرويه في كل حزّه ..!
ما نملك الا دعوة الله لمعين=نطلبه فزه وللمعادين جزّه

[الطامي]

بهالوضع ماينفك ناس عزيزين = ياللي من ايدينك عدوك تكزه
ماينفع الا قوة من قوين = ايلين راس الكلب بيدك تجزه

[نجم الإبداع]

الحق مايرجع لغير المجدين=ولا يرد المعتدي غير لزه
ندعي ولا نعمل بقوه مفهين=مع القواعد سيفنا مانوزه

[محمد عبدالله البدراني]

هذي حروف الشعر صارت نياشين = البس ال درعك والبس ايات بزه
ودام الجهاد معطلينه بريين = يالله بفزة حر يالله بفزززززه

[صوت الإحساس]

السالفه ما بين كيكه وسكين = وكل(ن) عرف قسمه وبالعين قزّه
واللي غدا فيها ضعاف ومساكين = باسباب من هو خان وابليس وزّه