يامشتكي

[حمود السكراني]

قريت قصيدة الشاعرة المبدعة موج القصيد (خذني من النجوى بسجات الأقلام) وقد وافقت شيء في نفسي فكانت هذه الأبيات

يامشتكي مابين دفتر ومرسام00
تشكي فراق صويحبك ماقويته 00

مايلام من يشكي من الحب مايلام00
والله يعينك دام دربه مشيته00

قريت حرفك زادني شوق وهيام00
صفق خفوقي من غلاه وبكيته00

هيضت من شوقه سرابه ولانام00
لليل ليل ولامبيته مبيته00

رسمت لك قاف(ن) على قافكم قام00
قاف(ن) على قاف القصيدة بنيته

ان كان تشكي من الجفاء جملة أيام00
عمري قضى مابين عله وليته00

قبلك لبست من الوله تاج وحزام00
مافيه درب لخاطره ماخطيته00

عشرين عام أركض على جسر الأوهام00
أطرد سحابة غيثها ماارتويته00

كني انا والوقت في حبه أخصام00
بمعاكسة وقتي لشيء(ن) بغيته00

حتى جعلني حبها جلد واعظام00
أيأست شوفه والغلا ماعزيته00

رغم السنين وماتوارت من أعوام00
يفز قلبي كل ماشفت بيته00

يردني شوفه عن المشي قدام00
يرجع مساري ضمن ماضي مضيته00

آقف على رسم(ن) بقى مثل الأهرام00
أماكن(ن) فيها احترى واحتريته00

ياما جرت داخل زواياه الأقدام00
ياما عطاني من غلاه وعطيته 00

هنا بنينا من الغلا قصر الأحلام00
هنا كساني بالمحبة وكسيته00

هنا حصل مابيننا عهد وأقسام00
هنا بكى لحظة فراق وبكيته00

أقفت بها الأيام والجرح بي دام00
نسيت كل اللي مضى مانسيته00

أمسيت أعيشه حس باقي وهندام00
كل لااعترض زول(ن) شبيهه هقيته

حتى ان قريت ماسطرت بعض الأقلام00
أفرح واحسبه ضاع مني و لقيته00

[الطامي]

السكراني
صح السانك ملايين اخي
مجاراة ولا اروع منها
لاهنت وشكرا لك

[الأموره]

السكراني ..

هطول رائع تبارك الرحمن

صح لسانك ملايين

سلمت و سلم فكرك

الف شكر لك

دمت برعاية الخالق

[نجم الإبداع]

حتى ان قريت ماسطرت بعض الاقلام!=وافرح واحسْبه ضاع مني ولقيته

مجاراه رائعه لصوت جمييل

صح لسانك ياحمود

جزل

لاهنت

[فهد حنس العتيبي]

حمود السكراني
هكذا يكون الابداع
وهنا وجدنا الابداع
والابهار والانبهار
صحت مشاااعرك

[زهرة اللوتس]

الشاعر // حمود السكراني
سلمت وسلم منطوقك
جزلة من شاعر جزل
لاهنت وبيض الله وجهك
تحية طيبة

[محمد عبدالله البدراني]

حمود السكراني


سلمه الله



صح السانك ياحمود وعلا شانك



تحيتي وتقديري

[داعي الشوق]

صح لسانك يالشاعر حمود

صدى رائع يا حمود

معاني جميلة

و القصيدة أجمل

سلمت و صح لسانك مدد بلا عدد

تحيتي لك

[عالي مستواها]

حمود السكراني


111111لله عليك مجاراة أكثر من رائعه


إبدعت ولا هنت



صح لسانك واعتلا شانك


ويعطيك ألف عافيه على القصيده الطيبة

[حمود السكراني]

الطامي مشكور يالغلا

ماعليك زود الله لايهينك

خالص الود