استفسار للأكادميين هنا

السلام عليكم ورحمة الله وبركاته


ممكن سؤال

لو كتبت قصيده وودي اني اعرضها

وين اعرضها

ابي التوجيه منها عشان الوزن والقافيه

بس

يالليت احد يوجهني

وإذا مافيه احد هينا


ممكن تدلوني على موقع او شيء ينفعني


وتحياتي للجميع

[الطائر المهاجر]

عليكم السلام
اذا القصيدة لك ، فيمكن تعرضها هنا في هذا القسم
بعد ان يكون لك بعض المشاركات
تحياتي

طيب ممكن اعرض عليك قصيدتي وتدرسني

ودي اتعلم

مشكلتي حياوي

واستحي اقول لأي شخص اللي اكتبه

انا كتبته كذا
ما احب الأغاني ولا احب اسمعها
بس دايم اغني بيني وبين نفسي

عشان كذا ودي اعرض لك انت
لعل وعسى تكون انت طريق لي لكتابة الشعر وتعلمه

وجعله الله في موازين حسناتك

[الطائر المهاجر]

اخي الكريم
المكان الطبيعي لموضوعك في مرآة الشعر
وليس في ديواني ، فهذا مخصص فقط لقصائدي
والعلم مافيه حيا
ومن استحى من بنت عمه ماجابت ولد
توكل على الله وابدأ مشوارك
بالقراءة في همس القوافي
والتجاوب مع الشعار حتى يصير عند خلفية كافيه
عن كيفية كتابة القصيدة
ثم ارجع للمواضيع المثبتة في المرآ هن
كيفية كتابة القصيدة ووزنها
ثم بعد لك اعرض محاولاتك
تحياتي

اخوي كيفك وان شاء الله انك بخير

بس انا سألت عن عرض القصيد وكيفية التعلم وزيادة الثقافه

الان مثلا انا عندي قصيده


وش الطريقه اللي مثلا انت تشوف انها مثاليه عشان اعرضها على اي شخص منكم يامن تبهرونا بالشعر لكي نستفيد

ماهي معقوله استحي قدام الناس اقولها طيب مين يوجهني
إذا حتى المنتديات تقول يبيلك كم مشاركه عشان تعرضها

انا حقيقه اثق فيك خاصتا
لان اسلوبك الشعري يعطيني انطباع لما اراه

اتمنى منك او من اي شخص مسؤول ان يجاوبني سؤالي او يدلني على شيء
ولك مني كل التحيه

[الطائر المهاجر]

هلا بك
كل مواضيعك اللي تنشر عن نفس الموضوع رايح
تدمج مع هالموضوع الأساسي
وقد شرحت لك الطريقة المناسبة
لاهنت
تحياتي

[محمد عبدالله البدراني]

اولا لابد من الاسم الصريح


ثم المراد بالمشاركات هو قراءة مواضيع المنتدى والقصائد والرد عليها فعند حصولك على خمسين مشاركه كردود لك وتفاعل فانه يحق لك وضع محاولتك هنا


ومالك الا اللي يرضيك


ولاتحتار وانا اخوك قم بالتفاعل وهات ماعندك هنا وابشر بالايضاح الوافي والشافي ان شاءالله فلدينا هنا من خيرة الشعرا والمستشارين ماسيوفونك بالمنشود



تحيتي وتقديري

هههههههههههههههههههههههههههه

احس اني ازعجتكم

اوكيه مافيه مشاكل

بالعكس شيء حلو اني استمتع بقراءة مشاركاتكم واشعاركم

لكن اللي قاهرني اني لي فتره دايم اقراء بس ماكنت مشترك ومشكلتي كسول

على العموم

بغلق كتــاب الهــم وكفــايه اشعار ,,,,,,,,, بصفـحة نهــاية عشـق بأول سـطوره
مليت اقرى في تفـاصيـل الإعـــذار ,,,,,,,,, مــليت يـســـامح في غيـابه حضــوره


شرايك بداية حلوه طبعا هي قصيده شوي طويله بس هذا مطلعها

هههههههههههههههههه
ياخي احس اني اكبر حياوي غثيث

[محمد عبدالله البدراني]

ماشاءالله عليك ضحكه دايمه ان شاءالله



بس شوف انت مشاركاتك اربع بس










يعني تكتب بهالموضوع واحنا نرد عليك يامال العافيه سو شوي ردود بالاقسام الاخرى للمنتدى شف عندك همس القوافي اقرا فيه ورد بنطابعك هناك عما تقراه عشان تكثر مشاركاتك ونقدر انساعدك


الله يعطيك العافيه

[البخيص]

وفقك الله
على ما خطت اناملك
تحياتي