العين ترقب نجمة الصبح ساهره

[ياسر عبدالرحمن الخالدي]

السلام عليكم ورحمة الله وبركاته


العيـن تـرقـب نجـمـة الصـبـح سـاهـره= النـاس هجـعـاء والهواجـيـس حـاضـره
شـوق(ن) طوانـي طويـة الدلـو للـرشـا =خــلا عيـونـي بــأزرق الـدمــع نـابــره
واحسـرتـي وإن كــان طــوُل جلوسـنـا =نرقـب نـهـار العـيـد والنـفـس حـاسـره
الـشـوق ودانــي بعـيـد(ن) عــن الـمـلا =الصبح اهوجس فيـه \ والليـل اسامـره
وقـمـت اتمـنـى عـشـرة أيـــام بـالـخـلا=حـتـى يـريـح القـلـب ويطـيـب خـاطـره
ياحلو شوف الذود بأرض(ن) به الحيـا =خمسـة ليـال(ن) فوقهـا الغيـم مـاطـره
لا جيـتـهـا يـنـسـاح بــالــك وتـهـتـنـي = في ريحة(ن) مـن فايـح المسـك عاطـره
وصــوت ام سـالـم لاتوحـيـت يطـربـك= ينعش نفوس(ن) من عنا الوقت صابره
فـي خايـع الصـمـان لا طــرف الـوسـم =تلـمـح لعـشـب(ن) تــو مـابـان بـــاذره
من فضـل ربـي نقضـي اليـوم بالونـس =وهمومـنـا مــن قــدم الاعـيـان عـابــره
بـعـيـد عــــن طـقـاقــة الــطــار واللهو =نـاس(ن) ضمايرهـم مـن العـام دامـره
وبعـيـد عـمـن ينـقـل الـهـرج بالـخـفـى= وهو كمـا داب(ن) مـع السـاس خامـره
وبعـيـد عــن جــو المـديـنـه وضيـقـتـه= بأرض(ن) غلاهـا داخـل القلـب حافـره
ومعـي رفيـق الــدرب باللـيـن والقـسـى =بالطـيـب والنـومـاس والـعـرف خـابــره
السالمـي وإن قـلـت ابــو مــازن اكتـفـي =ونفس(ن) مشت برضاه ماهيب خاسره
حر(ن) بنى بالطيب بيت(ن) من الحجر= يــامــر عـلـيـنـا وإن بـغـيـنـاه نــامــره
تـرثـة قبـيـلـة حـــرب نـطـاحـة الـعــدا= لـهـا التـحـيـه بـــأول الـقـيـل وآخـــره
والله يـحـيـي ربـعـنـا الــلــي نـحـبـهم =نفخـر بهـم بـدوان وإن كــان حـاضـره
الـيــا لـفـونـا مـرحـبـا فـــي قـدومـهـم= والـعـود الأزرق يشتـعـل فــي مبـاخـره
ودلال صفر ومركيـات(ن) علـى الجمـر =ياحلـو شوفتهـا مــع الـوسـط ضـامـره
وقـدوع مــن تـمـر القصـيـم ومـزارعـه= ويالله عـســى خيـراتـهـا دوم عــامــره
هــذا وصـلـوا ياجمـاعـه عـلــى الـنـبـي= عـداد عيـن(ن) ترقـب الصبـح سـاهـره

وسلامتكم
للشاعر ماجد الحميد الخالدي

[عالي مستواها]

يا1111سر الخا111لدي ،،


نقل رائع وذ111ئقه أروع،،


صح لسانه مليووون


تسلم على النقل يعطيك العافيه

[ياسر عبدالرحمن الخالدي]

الروعة مروركِ

شاكر ومقدر

[الطامي]

ياسر الخالدي
شكرا على النقل الطيب
وصح السان الشاعر
لاهنت اخي

[منيع]

ابيات رائعه
شكرا على هذا النقل المميز
بارك الله فيكم
تحياتي وتقديري

[ياسر عبدالرحمن الخالدي]

المشاركة الأصلية كتبت بواسطة الطامي

ياسر الخالدي
شكرا على النقل الطيب
وصح السان الشاعر
لاهنت اخي

ولا انت يالغالي

مشكور على مرورك

[نفحات حساسة]

تسلم اخوى..ياسر
نقل رائع..
وصح السان قايلها
لاهنت,

[همس الورد]

نقل رائع

و اختياااار في محله

تحيتي و تقديري

[ياسر عبدالرحمن الخالدي]

المشاركة الأصلية كتبت بواسطة منيع

ابيات رائعه
شكرا على هذا النقل المميز
بارك الله فيكم
تحياتي وتقديري

ياهلا بك يامنيع

شكراً

[نفحات حساسة]

الله عليك..
رائعه وصح السان قايلها,,
سلمت..