وين تسافر الصيف

مرحبا بالجميع ......
اخوتي اتمنى ان تفيدوني ببلدان قد زرتموها ...................واعجبتكم وإذا عندكم صور لا تبخلون علينا .......
مرة محتاره وين نسافر هالعطله (معطيني زوجي هالمره القرار )
واهاانا اخذ رايكم ......

[الريم]

والله شوفي انتي وش البلد الي تحسين انك ودك اتروحين لها؟

وبعدها اسئلي عنها

اختي الخيالة


كان مازرتوا ماليزيا .... واستبعد هالشي لان اغلب العوائل زاروها

فلا تفوووتكم

راائعة جدا للجميع



احترامي وتقديري

[شموخ سدير]

انا اقول روحوا للهند

أنا أقول روحوا للشرقيه وزوروا وعد العبدالله على طريقكم تراها بتكرمكم وبتكتب لكم قصيده ترحيبيه جميله


أما السفر زين بس يبي له دراهم وزوجه علشان تطلع برا أما لين صرت بتروح جوا البد رح بس لاتدخل أسواق ثم تلوع كبدك من شوف ذا الكاسيات العاريات المائلات المميلات

الله يعطيكم العافيه ...


بصراحة .....
انا في بالي اروح استراليا بس اخاف ما تسوى رحلتها الطويلة....
وودي اروح لجنوب افريقيا (كب تاون )وما ادري
وودي اروح لصين يمدحونها بس مادري عنها ويقولون فيها اسواق رهيبه ورخيصه بس كا ترفيه ما ادري

[أم ريما]

انا اقول يا ماليزيا يا الصين


وبالتوفيق يالغاليه


ولا تنسينا من الهدايا هههههههههه امزح

تحياتي لك

انا قد رحت لماليزيا ...ومعظم دول اوروبا ...وتركيا ..ومصر ...

يالخياله والله أنك بنت بطوطه

وش ذا الرحلات أنا وانا رجال ماقد رحت لكل ذولا ماشاء الله عليك أهم حاجه الإنسان يكون سفير لبلده ويعطي أنطباع للآخرين صورة حسنه عن عوائل المسلمين وجمال حشمتهم وانتمائهم لبلدهم وأنا واثق أن وحده في مستوى عقلك وفكرك وذكائك تعطي صورة جميله عن السعوديين في الخارج

ياله تروحين وترجعين بالسلامه ولاتنسين تجيبين لنا هدايا ولا ترانا بنزعل

ولا يهمك ياذيب ......
وبالنسبه لي ما اكذب عليك استانس لما اسافر واتسوق بس والله ان السفرفي حد ذاته مو مبتغاي انا انبسط لاني اكون مع زوجي لانه انسان مشغول معظم الوقت ......وفي السفر يكون معاي كل الوقت وهذا اهم شي ......
وبالنسبه سفيرة لبلادي لاتوصي تميميه .....
وبالنسبه للهدايا ولا يهمك .....