ياصقر

[الـزلـزال]

ياصقر وش لك في كثير الحراوي = متروح للبندر تلاقي السكينة
وتركب من اليابان وارد عراوي = وتشوف ريا كيف جارت سكينة
ياصقر قلي ليه منته بقاوي = تترك براري كل ابوها حزينة
شكلك مع البران ياصقر هاوي = وشكلك تدور كيف ريشك تشينة
قالوا بسوق الحضر شمبو مداوي = وبلسم مع الشمبو لريشك يزينة
وبرقع تبرقع به وربي يساوي = حر السجين الي عسى الله يعينة
والكل يم الشكل شكلك يلاوي = يرجي لريشك كيف يلمس يدينة
والي معك مبسوط يومة يخاوي = صقر وكل الخلق تنظر لزينة
وتاكل من الكبدة وتاكل كلاوي = وتدعي على الحرمان يقطع سنينة
وأنته سجين وكل ليلك يواوي = والسجن بعض أحيان محدآ يدينة
مدام سجانك على الطيب ناوي = منته مردد كل سجني مهينة
ياصقر جاك الحظ جاء لك سماوي = ولحدآ بقد الصقر يسكن مدينة
صحيح وسط المدن تلقى البلاوي = وجنب المدن كلآ يفاخر بعينة
بعطيك بعض أشكال منها مساوي = وأشكال كل الطيب ياهي تبينة
رجلآ يداعي ولد عمه دعاوي = ورجلآ تبرى من حياه وجنينة
وحرمه مع الدنيا تصيح وتماوي = وحرمه تدور كيف تصبح لعينة
وطفلآ تمكيج لجل يصبح حياوي = وطفلآ حلوم الرعب يمه رهينة
وشيخأ يشوف الجرح ماهو يداوي = وشيخآ يقول الذل ماهو غبينة
نادر تلاقي من يحبك هواوي = ونادر تلاقي من يقدر جبينة
الله يزيل الي من الطيب خاوي = والله يشتت من يشتت عوينة
بقول لك ياصقر منته بغاوي =تسمع كلامي يوم جالك ونينة
أحسن تعيش الحين تبقى خلاوي = عيشة خلى قالوا وقالوا ثمينة
جيتك بعلمي جيت يمك شقاوي = وجاك الكلام الي يسابق حنينة
خابت بي الدنيا وخابت هقاوي = كنت أعتبرها في حياتي سمينة
من وين مالديت جتني البكاوي = الي على الخافق تزيد وتهينة
وياصقر بختم لك بكثر الدعاوي = يالله عسى دنياك دنيا رزينة
وبقول لك زود وزود حراوي = وأبعد عن البندر تلاقي السكينة

[داعي الشوق]

صح لساااااااااااااااااااانك يالزلزال

أرويتنا و أشبعتنا

خاصة بالكبدة و الكلاوي ،

صحيح انك زلزال الشعر

صح لساااااااانك أخي سامي

ولاهنت

[عبدالعزيز العمار]

الزلزال

صح لسانك وجاد بيانك

قصيدة كايفه وجزله يالجزل

أسجل اعجابي القديم والجديد هنا وتقبل من التحايا أجزلها وأطيبها

[منيع]

اكثر من رائعة
تسلم اخي الكريم الزلزال
تحياتي لكم

[صعبة المنال]

خابت بي الدنيا وخابـت هقـاوي
كنت أعتبرها في حياتـي سمينـة
من وين مالديت جتنـي البكـاوي
الي على الخافق تزيـد وتهينـة


صح لسانك

صعووب

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[الطامي]

الزلزال
صح السانك ملايين ولافض فوك اخي
رائعة بمعانيها الجميلة جدا
وياصقرررررررررررررررررررررر
شكرال ك اخي

[حرف وشعر]

المشاركة الأصلية كتبت بواسطة الـزلـزال

ياصقر وش لك في كثير الحراوي = متروح للبندر تلاقي السكينة
وتركب من اليابان وارد عراوي = وتشوف ريا كيف جارت سكينة
ياصقر قلي ليه منته بقاوي = تترك براري كل ابوها حزينة
شكلك مع البران ياصقر هاوي = وشكلك تدور كيف ريشك تشينة
قالوا بسوق الحضر شمبو مداوي = وبلسم مع الشمبو لريشك يزينة
وبرقع تبرقع به وربي يساوي = حر السجين الي عسى الله يعينة
والكل يم الشكل شكلك يلاوي = يرجي لريشك كيف يلمس يدينة
والي معك مبسوط يومة يخاوي = صقر وكل الخلق تنظر لزينة
وتاكل من الكبدة وتاكل كلاوي = وتدعي على الحرمان يقطع سنينة
وأنته سجين وكل ليلك يواوي = والسجن بعض أحيان محدآ يدينة
مدام سجانك على الطيب ناوي = منته مردد كل سجني مهينة
ياصقر جاك الحظ جاء لك سماوي = ولحدآ بقد الصقر يسكن مدينة
صحيح وسط المدن تلقى البلاوي = وجنب المدن كلآ يفاخر بعينة
بعطيك بعض أشكال منها مساوي = وأشكال كل الطيب ياهي تبينة
رجلآ يداعي ولد عمه دعاوي = ورجلآ تبرى من حياه وجنينة
وحرمه مع الدنيا تصيح وتماوي = وحرمه تدور كيف تصبح لعينة
وطفلآ تمكيج لجل يصبح حياوي = وطفلآ حلوم الرعب يمه رهينة
وشيخأ يشوف الجرح ماهو يداوي = وشيخآ يقول الذل ماهو غبينة
نادر تلاقي من يحبك هواوي = ونادر تلاقي من يقدر جبينة
الله يزيل الي من الطيب خاوي = والله يشتت من يشتت عوينة
بقول لك ياصقر منته بغاوي =تسمع كلامي يوم جالك ونينة
أحسن تعيش الحين تبقى خلاوي = عيشة خلى قالوا وقالوا ثمينة
جيتك بعلمي جيت يمك شقاوي = وجاك الكلام الي يسابق حنينة
خابت بي الدنيا وخابت هقاوي = كنت أعتبرها في حياتي سمينة
من وين مالديت جتني البكاوي = الي على الخافق تزيد وتهينة
وياصقر بختم لك بكثر الدعاوي = يالله عسى دنياك دنيا رزينة
وبقول لك زود وزود حراوي = وأبعد عن البندر تلاقي السكينة

الله الله ياسامي كلمات ومفردات

مايجيبهن الا الزلزال

صح بوحك يابعدي

وكل عام وانت بخير

[مبروك بن ماضي]

الاخ الفاضل الشاعر / سامي الحارثي
لله درك من شاعر متمكن
لطالما أستمتعنا بجمال حرفك وروعة أسلوبك
دامتشاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بنمـــــــــاضي

[سناعيس]

صح لسانك يالزلزال
وبيض الله وجهك
رائعه كروعتك
لاهنت

تحياتي