اليتيم

[رجاالله الثبيتي]

اليتيم


جرح اليتيم اللي مـن اعوام ماطاب



يلعب..... بقلبه من سنين الطفوله



راحت..... وخلت طفلهابين الاغراب



والهم.... باني وسط الاعماق دوله



لاتتركينه.... يابعد كل...... من غاب



شوفي... دموع الحزن تغتال... زوله



كانت معه عون وسند بين الاصحاب



واليا.... بكا..... كانت تضمه... وتوله



واليوم اخذها الموت...والموت غلاب



يضمها........ والناس تلتف..... حوله



ياعيــن لاتبكين لــو مات... الاحبـــاب



اليــا متـى يـاعيـن.. نبكــي ونــــولـه



يـامـا بكينــا لين نــور القمــر غــاب



ومافـادنــا لــو نبكي الليــل. طــولــه



دنيـــا لها وقت التعاسه.. ميـة بـــاب



اليـا اظلمت يصعب علينـا.. دخـــوله



هــذا قـدرنـا.. لا حكـم رب الاربـــاب



نمشي... على شرعه وسنة رسوله

شكرا لإمتاعنا بإبداعك
وغفر الله لها وجمعكم بها في مقر رحنته
لاهنت
تحياتي

[داعي الشوق]

صح لسااااااااانك مليوووووووون يا رجا الله

و الله يعوضك خير يا بن العم


ولاهنت

************

[الراقي]

صح فكرك

صح بيانك

ودام حرفك ..

و صح لسانك

[حرف وشعر]

رجاء الله

طبت وطاب الشعر معك

مبدع يالغالي بالحيل

صح بوحك يالجزل

[الطائر المهاجر]

رحمها الله رحمة واسعة
وجمعك بها في فردوسه الأعلا
وهذا طريق نحن اليه سائرون
مهما قلت فلن اوفي هذه القصيدة حقها
ولكن سبق ان واسيت احد العضوات
بأبيات بسيطه قبل عدة سنوات
لو حزنا لو بكينا فالحزن ما فيـه فـاده
ما يعوّض من فقدنا ولا يرّجعهـم إلينـا
حكمة الله في كتابه قبلما يخلـق عبـاده
لازمٍ نرضى المقدّر مهما شيئنا اوأبينـا
كلنا نولد فـرادا نصـرخ بلحظـة ولاده
وكلنا نرحل احادا غيرنـا يبكـي علينـا
قبلنا كل الخلايق ارحلوا من غيـر راده
اسألي التربه تجيبك عن سجّل الزائرينـا
كل واحد جاه دوره قبلما يقضـي مـراده
ما حسب لليوم زاده نحسب انا خالدينـا
تحياتي الطيبة

[فارس القوافي]

وسنة رسوله

الله الله

احساس عاطفي مميّز

صح لسانك

لاهنت

دمت بخير

[الطامي]

رجا
صح السانك ملايين
رائعة جدا
لاهنت اخي

[منيع]

اكثر من رائعة
وذات شجون
تسلم اخي
رعاك الله
تحياتي

[عبدالرحمن بن زهير]

صح الله لسانك يالثبيتي شاعر جزل ابيض وجه