صور الرياض من الفضاء

ابو ياسر · 04-01-2006, 06:14 PM

السلام عليكم ورحمة الله

صور مدينة الرياض من الفضاء

مدري انتم على علم بالقمر الصناعي اللي انا جطلته من الامريكان ولا لا. المهم في الموضوع اني قدرت اطور القمر و قدرت اتحكم فيه اكثر بحيث قدرت اوجهه الي اي مكان في العالم و اشوف اللي انا ابغاه.

المشكلة في مدن السعودية مثلها مثل الكثير من دول العالم الغير مشهورة ان جودت الصور منخفضة كل ما قربتها اكثر . لكن هذا ما منعني اني اصور الرياض بكبر قدر من الصفاوه ممكنه.

انا بستمر بالمحاولة في تطوير القمر بحيث اني اخذ صور اكثر صفاوه و جوده ، و اوعدكم اني اعطيكم الصور المضبوطة.

الان بوريكم الصور اللي قدرت اخذها للرياض:
( و اعتذر منكم على كبر الصور بس انا خفت اصغرها ولا عاد توضح)

ابد بالصوره هذي ، وهي صوره كاملة للسعودية و في وسطها مدينة الرياض ، طبعاً بتلاحضون كثر الصحاري فيها و هذا شي انتم اكيد عارفينة.

و هذي صوره اقرب للرياض.

و هذي الرياض مع الطرق السريعة اللي طالعه منها ( بالمناسبة تر ممكن احسب المسافة من اي نقطة على الخريطة الي اي نقطه اختارها).

و هذي صوره اقرب , و تلاحضون تحت في الصوره مزارع الخرج بدت توضح.

و في الصوره هذي بعض احيى الرياض بدت توضح.

و هذي صوره اوضح للرياض و تلاحضون القاعده الجوية و كبر حجمها.

و في الصوره هذي الاحيى بدت توضح اكثر.

و هذي صوره اوضح و بدت تطلع فيها بعض الطرق السريعة و تقسيم الاحيى.

و للاسف هذي اقرب صوره اقدر اطلعها للرياض. القاعده الجوية و فوقها مباشرة طريق الامير عبدالله.

طبعاً انا زيي ما قلت الكم بستمر في محاولة الحصول على صور اوضح من هذي للرياض و المدن السعودية.

لكن هذا لا يعني ان صور المدن الكبيرة العالمية ما تكون واضحة صورها ، بالعكس انا ممكن في المدن العالمية المشهورة و الكبيرة اني اصور راؤس المباني و السيارات و حتي الناس اللي يمشون في الشارع.

اللي منكم وده اني احط صور لاي مدينة او قرية سعودية او حتي غير سعودية فنا في الخدمة.

لكم اجمل تحية.