من بغى للمحاور ينزل الملعبه

[الطائر المهاجر]

من بغى للمحاور ينزل الملعبه = ويفتح الباب باسم اللي بخلقه عليم
ومن تفرج فلا يامن ترى بسحبه= ونمسك الخط انا وياه لاقصى القصيم

اكرب اكرب حزامك .. والله ان تكربه=وانتبه للدروب العوج والمستقيم
من تفرج فأنا بأوعده بأن نطربه=والعن ابليس .. واحذر من دروب الرجيم

[مهدي الحبابي]

أخوي ابو عبدالله صح لسانك

أخوي محمد الاسمري صح لسانك

لاهنتما وبيض الله وجهيكما

متابع وماسك الصف

لكما فااائق احترامي وتقديري

ارحب يالحبابي

صح كلك يا اخوك

حضورك مكسب لاعدمناك

لاهنت .. لاهنت

وين دكتورنا وينه الليل

[الطائر المهاجر]

انت كايد ونا بي واحد اغلبه = عارف الحال مثلي في المحاور غشيم
من لذعه الفرن مره فلا يقربه = فل كل الحزام وخل صدرك حليم

[سناعيس]

هههههههه
أفا يامشرفنا ماهي بهي
والله مانت بسهل يالأسمري
وش سويت بمشرفنا
توكل على الله حنا معك يابوعدالله بس لاتصير انهزامي هههههه

فطاحلة الشعر
شاعر العثمانيات
محمد الأسمري
المحاورة بكما لها طعم ثاني
تحياتي

انت شاعر ومثلك عالي المرتبه=وادري انك ليا شانت تضد الخصيم
انت دكتور وانا حالتي متعبه=من سبايب غرام اللي طرحني سقيم

[الطائر المهاجر]

الدوا عند شايب ما قرا فاكتبه = واحفظ الدرس حتى تفتهم يالفهيم
العذارى فواكه فادخل المجلبه = طب واختر بعقلك ولاتقرب قديم

هههههههههههههههههه

شاب راسي وطبك .. دونما تجربه=احسبك تنفع العربان .. وترد ضيم
العذارى فواكه .. لكن الحبحبه=ما درينا وش اللي في بطون الحريم

[الطائر المهاجر]

ماتندم مجرب وقاري المكتبه =عارف للنفوس وفاهم في البريم
كان تدفع تلاقي وردةٍ وذهبه= وكان تزرع حصادك في النهايه عظيم