القريب يقلط

[الطائر المهاجر]

الفطاحل جامعه فيها من شتى القبايل= كلهم اخوة حبايب بالتساوي مؤمنين
المبادي دربهم كلهم خيل اصايل = للرجوله والشهامه للمواقع سابقين

صح لسااااااانك مشرفنا وابونا

ابيات رااااقيه


تقديري

[يوسف الشقران]

بارك الله بالكرم والطيب وعيال الحمايل = الأصيلين المصلين القيام القانتين
بارك الله جمعهم واللي جمعهم دون حايل = دام مبداهم ترقّي ياعساهم سالمين

[الطائر المهاجر]

قولتك حايل يايوسف مسأله فيها مسائل = ليش ماقلت الرياض وليش ماقلت البطين
شمري يرجع لداره وان خسر منها بطايل= ما نساها والرفاقه باح قلبه بالكنين

خابرين الوضع كله عنك دوم الشك زايل = كلنا ياطير شلوى بالخوافي عارفين
للوفا عندك علامه فيك للطيبه دلايل = ذيب تدري كيف تفرس دايم الشاة السمين

[عبدالله الشويمان]

يا المهاجر ليش ما جبت الحريِّق بالمثايل=ناسيٍ منزل جدودك ونت رجالٍ فطين
يوم أولت الكلام إلغير معناه إبتحايل=وبوعيسى للمعاني ينتقي منها الثمين

[يوسف الشقران]

المشاركة الأصلية كتبت بواسطة المشرف العام

قولتك حايل يايوسف مسأله فيها مسائل = ليش ماقلت الرياض وليش ماقلت البطين
شمري يرجع لداره وان خسر منها بطايل= ما نساها والرفاقه باح قلبه بالكنين

ادري انك ماجهلت القصد لو ماكنت قايل = لاتطيحني بمشاكل وانت سيد العارفين
وايلي ياخوك ماجنبت يازين الشمايل = والف نعمن بالقبايل حاضرين وغايبين

[الطائر المهاجر]

كل حايل دون نجد ينعرف بالإسم حايل = فيه وايل وفيه شمر والتمايم نابتين
لا مشاكل يالسنافي يوم نضرب للمثايل= كلنا اولاد آدم خلقة الرب المعين

[يوسف الشقران]

المشاركة الأصلية كتبت بواسطة المشرف العام

كل حايل دون نجد ينعرف بالإسم حايل = فيه وايل وفيه شمر والتمايم نابتين
لا مشاكل يالسنافي يوم نضرب للمثايل= كلنا اولاد آدم خلقة الرب المعين

حايل او حائل تراها بينت صايل وجايل = والمعاني لانلونها علي عي وسمين
والنوايا بيض لكن وين دام الحظ مايل = افترض تسند مطيحي لاتطيحني ابشين

[الطائر المهاجر]

وين مايل دام وايل حاكمه كل الشمايل = حظكم ما صار مثله والقلم يمسك يمين
والبروق اللي بوادي الذيب ما تنشي مخايل= وان نشت لابد تمطر ريحها الغربي امين